لاہور: دعا زہرا کی بازیابی اور حوالگی کے لیے درخواست دائر کردی گئی، جس میں استدعا کی ہے کہ چائلڈ پروٹیکشن بیورو پنجاب دعا زہرا کو تحفظ کے لیے تحویل میں لے۔
تفصیلات کے مطابق دعا زہرا کی بازیابی اور حوالگی کے لیے چائلڈ پروٹیکشن بیورو میں درخواست دائر کردی گئی۔
درخواست گزار نے مؤقف اختیار کیا کہ دعا زہرا کی عمر کے تعین کے ٹیسٹ ہوچکے ہیں، ٹیسٹوں میں دعازہراکی عمر 15سال ثابت ہوئی۔
درخواست میں کہا گیا کہ ملزم ظہیر اور شریک ملزموں نے دعا زہرا کو ورغلا کر اپنے ساتھ رکھا، تفتیشی افسر نے اپنی رپورٹ جمع کراکے حقائق بتا دیے ہیں۔
درخواست گزارنے استدعا کی کہ چائلڈ پروٹیکشن بیورو پنجاب دعا زہرا کو تحفظ کے لیے تحویل میں لے۔
یاد رہے پولیس نے دعا زہرا کیس میں پیشرفت رپورٹ عدالت میں پیش کی تھی، پولیس نے کیس میں ملزم اصغرعلی سمیت 33 ملزمان اور ملزم ظہیر کی والدہ سمیت 8 خواتین کو بھی نامزد کیا ہے۔
رپورٹ میں بتایا گیا کہ میڈیکل رپورٹ کے مطابق دعازہرا کم عمر ہے ، ملزم ظہیر کا سی ڈی آر ریکارڈ حاصل کرلیا، جس میں انکشاف ہوا کہ دعا کے اغوا کے وقت ظہیر کراچی میں موجود تھا۔
