The news is by your side.

Advertisement

پاکستان میں شراب کی فروخت پر پابندی عائد کرانے کیلیے درخواست دائر

لاہور : پاکستان میں شراب کی فروخت پر پابندی عائدکرانےکےلیے درخواست دائر کردی گئی ، جس میں کہا گیا عدالت غیر مسلموں کے مذہبی تہواروں کے علاوہ سال بھر شراب کی فروخت پر پابندی عائد کرے۔

تفصیلات کے مطابق پاکستان میں شراب کی فروخت پر پابندی عائد کرانے کے لیے لاہور ہائیکورٹ میں درخواست دائر کر دی گئی، ایڈوکیٹ ندیم سرور کی جانب سے درخواست دائر کی گئی۔

دائر آئینی درخواست میں موقف اختیار کیا گیا کہ قانون کے مطابق غیر مسلموں کو ان کے مذہبی تہواروں پر شراب فروخت کی جا سکتی ہے، پنجاب کے بڑے ہوٹل سارا سال مقررہ مقدار سے زائد شراب فروخت کر رہے ہیں۔

درخواست میں کہا گیا رپورٹ کے مطابق لاہور کے چار بڑے ہوٹلوں نے گزشتہ تین سالوں میں 19 لاکھ 52 ہزار گیلن سے زائد شراب فروخت کی، غیر مسلموں کی آڑ میں بھاری مقدار میں شراب کی کھلے عام فروخت جاری ہے، پنجاب حکومت کی جانب سے شراب کی کھلے عام فروخت پر کوئی کارروائی نہیں کی جا رہی۔

درخواست میں استدعا کی گئی کہ کہ عدالت غیر مسلموں کے مذہبی تہواروں کے علاوہ سال بھر شراب کی فروخت پر پابندی عائد کرے اور حکومت کو سال بھر شراب فروخت کرنے والے ہوٹلوں کے لائسنس معطل کرنے کا حکم دے۔

Comments

یہ بھی پڑھیں