The news is by your side.

Advertisement

جعلی ڈگریوں کے ذریعے وکالت کرنے والے وکلاء کا معاملہ عدالت پہنچ گیا

اسلام آباد : جعلی ڈگریوں کے ذریعے وکالت کرنے والے وکلاء کا معاملہ اسلام آباد ہائی کورٹ پہنچ گیا ، درخواست میں کہا ہے کہ وکلاء اور وکالت کی ساکھ کی بحالی کے لیے جعلی ڈگریاں رکھنے والوں کے خلاف کاروائی کی جائے۔

تفصیلات کے مطابق جعلی ڈگری رکھنے والے وکلاء کے خلاف اسلام آباد ہائی کورٹ میں درخواست دائر کردی گئی ، درخواست ایڈوکیٹ سردار محمد یعقوب مستوئی نے دائر کی، جس میں مؤقف اختیار کیا گیا کہ وکالت ایک عظیم پیشہ ہے مگر کچھ لوگ جعلی ڈگریوں کی آڑ میں اس پیشے کو بدنام کررہے ہیں، وائس چیئرمین اسلام آباد بار کونسل کو کئی بار خط لکھا مگر کوئی شنوائی نہیں ہوئی۔

درخواست میں کہا گیا کہ جعلی ڈگری رکھنے والوں کی وجہ سے دیگر وکلاء بھی تذبذب کا شکار ہیں، استدعا ہے کہ وکلاء اور وکالت کی ساکھ کی بحالی کے لیے جعلی ڈگریاں رکھنے والوں کے خلاف کاروائی کی جائے۔

درخواست میں استدعا کی گئی کہ عدالت جعلی ڈگریوں کے خلاف کاروائی جبکہ بار کونسل کو وکلاء کی ڈگریاں ایچ ای سی سے چیک کرانے کے احکامات جاری کرے۔

درخواست میں اسلام آباد بار کونسل، اسلام آباد ہائی کورٹ بار، اسلام آباد بار، ہائر ایجوکیشن کمیشن اور اسلام آباد بار کونسل کو فریق بنایا گیا ہے۔

Comments

یہ بھی پڑھیں