The news is by your side.

Advertisement

پارٹی سے انحراف کرنے والے اراکین اسمبلی کو تاحیات نااہل قرار دینے کی درخواست داٸر

لاہور : پارٹی سے انحراف کرنے والے اراکین اسمبلی کو تاحیات نااہل قرار دینے کی درخواست داٸر کر دی گئی ، جس میں کہا گہا کہ آئین کسی بھی رکن اسمبلی کوپارٹی سےمنحرف ہونے کی اجازت نہیں دیتا۔

تفصیلات کے مطابق سپریم کورٹ لاہور رجسٹری میں پارٹی سے انحراف کرنے والے اراکین کو تاحیات نااہل قرار دینے کی درخواست دائر کردی گئی۔

درخواست اظہرصدیق کی جانب سے دائر کی گئی ، جس میں موقف اختیار کیا گیا ہے کہ آئین کسی بھی رکن اسمبلی کوپارٹی سےمنحرف ہونے کی اجازت نہیں دیتا، آئین کے مطابق ووٹ پارٹی کی امانت ہے، جس میں خیانت نہیں کی جا سکتی۔

درخواست گزار نے کہا کہ ہارس ٹریڈنگ جمہوریت کے لیے کینسر اور زہر قاتل ہے، آئین کے مطابق اب کسی بھی سیاسی جماعت کا فارورڈ بلاک نہیں بن سکتا۔

درخواست میں کہا گیا کہ پنجاب اسمبلی میں بدترین ہارس ٹریڈنگ کامظاہرہ کیاگیا، ہارس ٹریڈنگ سے اکثریتی پارٹی کو شکست دے کرحمزہ شہباز وزیراعلیٰ بنے۔

دائر درخواست میں کہا ہے کہ آئین کےتحت منحرف ہونے والے اراکین کے ووٹ گنے ہی نہیں جاسکتے، منحرف اراکین کی نااہلی تاحیات ہوتی ہے۔

درخواست گزار نے استدعا کی کہ عدالت آرٹیکل 63 اے کی تشریح کرے اور پارٹی سے انحراف غیرآئینی قراردے، عدالت پارٹی سے انحراف کرنے والے اراکین کو تاحیات نااہل قرار دے۔

Comments

یہ بھی پڑھیں