The news is by your side.

Advertisement

‘سرعام تھوکنے اورماسک نہ پہننے والے شہری کورونا وائرس کے پھیلاؤ کا باعث بن رہے ہیں’

لاہور: ہائی کورٹ میں کورونا وائرس کے پھیلاؤ کو روکنے کے لئے درخواست دائر کردی گئی ، جس میں کہا گیا سرعام تھوکنے اور ماسک نہ پہننے والے شہری کورونا وائرس کے پھیلاؤ کا باعث بن رہے ہیں۔

لاہور ہائی کورٹ میں کورونا وائرس کے پھیلاؤ کو روکنے کے لئے درخواست دائر کر دی گئی، درخواست شہری محمد حسنین کی جانب سے دائر کی گئی۔

درخواست گزار نے موقف اختیارکیا کہ سرعام تھوکنے اورماسک نہ پہننے والے شہری کورونا وائرس کے پھیلاؤ کا باعث بن رہے ہیں اور ہاتھوں کو سینی ٹائز نہ کرنے اور گلوز نہ پہننے والے شہری بیماری پھیلا رہے ہیں۔

درخواست میں کیا گیا قانون کے تحت متعدی بیماری پھیلانا قابل سزا جرم ہے، قرنطینہ سے فراربھی قانون کے مطابق جرم ہے، حکومت قوانین پر عمل درآمد کرے تو کورونا کے پھیلاوکوروکا جا سکتا ہے۔

دائر درخواست میں استدعا کی کہ حکومت کو قانون پرعمل درآمد کا پابند بنایا جائے تاکہ کورونا وبا سے بچا جا سکے۔

خیال رہے پاکستان میں کوروناوائرس سےمزیدگیارہ افرادجاں بحق ہوگئے، جس کے بعد اموات کی تعداد 107 ہوگئی،چوبیس گھنٹےمیں دوسو باہتر نئے کیس رپورٹ ہوئے، ملک بھر میں کوویڈ 19 کے مریضوں کی مجموعی تعداد 5988 ہوگئی جبکہ ایک ہزارچارسوچھیالیس افراد صحت یاب ہوگئے ہیں۔

Comments

یہ بھی پڑھیں