site
stats
پاکستان

نندی پور پروجیکٹ بلیک لسٹ کمپنی کو دینے کے خلاف درخواست

لاہور: نندی پور پاور پروجیکٹ بلیک لسٹ کمپنی کو دینے کے خلاف لاہور ہائیکورٹ میں درخواست دائر کردی گئی۔ عدالت نے درخواست پر وکلا کو مزید دلائل کے لیے طلب کر لیا۔

تفصیلات کے مطابق نندی پور منصوبے کا ٹھیکہ بلیک لسٹ کمپنی کو دینے کے خلاف لاہور کے شہری نے ہائیکورٹ میں درخواست دائر کردی۔

عدالت میں کیس کی سماعت شروع ہوئی تو درخواست گزار کے وکیل نے مؤقف اختیار کیا کہ پاکستان میں اس وقت توانائی کا بدترین بحران ہے جس نے ملکی معیشت کو تباہی کے دہانے پر پہنچا دیا ہے مگر حکمران اسے سنجیدہ نہیں لے رہے۔

دائر کی گئی درخواست میں کہا گیا کہ نندی پور جیسے اہم پاور پلانٹ کا پروجیکٹ بلیک لسٹ چینی کمپنی کو دے دیا گیا ہے جس کی وجہ سے منصوبہ فلاپ ہونے کا خدشہ ہے۔

درخواست گزار کے مطابق حکمران خاندان نے اس منصوبے میں اربوں روپے کمیشن کے طور پر حاصل کیے جبکہ وزیر اعلیٰ پنجاب نندی پور پر بار بار غلط بیانی سے کام لیتے رہے لہذا وہ آرٹیکل 63 – 62 کے تحت اپنے عہدے کے اہل نہیں رہے لہٰذا عدالت نندی پور پراجیکٹ پر غلط بیانی پر کارروائی کا حکم دے۔

مزید پڑھیں: نندی پور پاور پلانٹ کئی ماہ سے بند، نیپرا کا نوٹس

درخواست گزار نے عدالت سے استدعا کی کہ بلیک لسٹ چینی کمپنی کا ٹھیکہ منسوخ کر کے نئے سرے سے شفاف بولی کے ذریعے ٹھیکہ دینے کا حکم دیا جائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top