site
stats
پاکستان

کالا باغ ڈیم: ریفرنڈم کرانے کے لیے سپریم کورٹ میں درخواست دائر

لاہور: سپریم کورٹ لاہور رجسٹری میں کالا باغ ڈیم کی تعمیر کے حوالے سے ملک گیرسطح پرریفرنڈم کرانے کے لئے آئینی پٹیشن دائر کردی گئی۔

سپریم کورٹ لاہور رجسٹری میں بیرسٹر ظفراللہ کی جانب سے دائر درخواست میں مؤقف اختیار کیا گیا ہے کہ وفاقی حکومت، مشترکہ مفادات کونسل اور سیاسی جماعتیں کالا باغ ڈیم تعمیر کرنے میں سنجیدہ نہیں ہیں۔

درخواست میں یہ بھی کہا گیا کہ وفاقی حکومت مشترکہ مفادات کونسل کی جانب سے کالا باغ ڈیم کی تعمیر کرانے کے فیصلے پر عملدرآمد کرنے میں بری طرح ناکام ثابت ہوئی ہے۔

درخواست گزار نے موقف اختیار کیا کہ وفاقی حکومت، سیاسی جماعتوں اور مشترکہ مفادات کونسل کی جانب سے کالا باغ ڈیم کی تعمیر کا معاملہ التوا میں ڈالنے سے ملک اندھیروں میں ڈوب چکا ہے، جس سے معیشت کا پہیہ بھی جام ہوا ہے، صنعتی مزدور بے روزگار اور پانی کے ضیاع سے زرعی اراضی بھی بنجر ہو رہی ہے۔

درخواست میں عدالت سے استدعا کی گئی ہے کہ کالا باغ ڈیم کی جلد تعمیر کے لئے ملک گیر سطح پر ریفرنڈم کرانے کے احکامات صادر کئے جائیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top