site
stats
سندھ

پیٹرول بحران: سی این جی ایسوسی ایشن کی پمپس کھلے رکھنے کی اپیل

کراچی : پیٹرولیم مصنوعات کے بحران کے سبب سی این جی ایسوسی ایشن نے وزارت پیٹرولیم سے پمپس کھلے رکھنے کی اپیل کردی۔

اے آر وائی نیوز کے نمائندہ کراچی انجم وہاب کے مطابق آئل ٹینکرز کی ہڑتال کے سبب ملک بھر میں پیٹرول کی شدید قلت ہوگئی ہے جس کے سبب لوگوں کو پریشانی کا سامنا ہے۔

اس پریشانی کو دیکھتے ہوئے سی این جی ایسوسی ایشن نے وزارت پیٹرولیم سے اپیل کی ہے کہ انہیں کل پمپس کھلے رکھنے کی اجازت دی جائے تاکہ عوام کی پریشانی میں کچھ کمی آسکے۔

واضح رہے کہ گیس کی لوڈشیڈنگ کے شیڈو ل کے تحت کراچی کے سی این جی اسٹیشنز بدھ کی صبح 8 بجے 24 گھنٹوں کے لیے بند ہوجائیں گے۔


مزید پڑھیں: ملک بھر میں پٹرول کی قلت، عوام پریشان، پمپس پر ہجوم


خیال رہے کہ شہر میں پیٹرول پہلے ہی نہیں ہے اور آج بروز بدھ  سی این جی کا ناغہ بھی ہے جس سے بحران میں مزید اضافہ ہوگا۔

پبلک ٹرانسپورٹ کو بھی دھچکا لگے گا کیوں کہ پبلک ٹرانسپورٹ سی این جی پر منتقل ہوچکا ہے اور کل سی این جی نہ ملنے پر وہ بھی ڈیزل کے حصول کی کوشش کرے گا جو کہ اسے نہیں ملے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top