اسلام آباد (17 اپریل 2026): ایران کی جانب سے آبنائے ہرمز مکمل کھولنے کے اعلان کے ساتھ ہی وفاقی وزیر نے پاکستان میں پیٹرول اور ڈیزل کی قیمتوں میں کمی کا اشارہ دے دیا۔
وفاقی وزیر توانائی اویس لغاری نے سوشل میڈیا پلیٹ فارم ایکس پر جاری اپنے پیغام میں لکھا کہ اللہ تعالیٰ کا شکر ہے کہ پاکستان کو ایک بڑا موقع ملا ہے، وزیر اعظم شہباز شریف اور فیلڈ مارشل سید عاصم منیر کی بھرپور کوششوں سے پاکستان عالمی امن کا علمبردار بنا۔
اویس لغاری نے لکھا کہ لبنان میں جنگ بندی ہوگئی ہے جبکہ آبنائے ہرمز بھی کمرشل آمد و رفت کیلیے آج کھول دی گئی ہے، ان شاء اللہ ان کوششوں کی وجہ سے پیٹرول اور ڈیزل کی قیمتوں میں جلد کمی آئے گی۔
انہوں نے مزید لکھا کہ ایل این جی کی دستیابی سے بجلی کی فراوانی بہتر ہوگی۔ آخر میں انہوں نے ’پاکستان ہمیشہ زندہ باد‘ لکھا۔
اللہ تعالی کا شکر کہ پاکستان کو یہ موقع ملا کہ ہمارے وزیراعظم شہباز شریف اور فیلڈ مارشل سید عاصم منیر کی بھر پور کوششوں سے پاکستان عالمی امن کا علمبردار بنا ، لبنان میں جنگ بندی ہو ئی اور آبنائے ہرمز کمرشل آمد ورفت کیلیے آج کھل گئی ہے انشاءاللہ ان کوششوں کی وجہ سے پٹرول اور… pic.twitter.com/4lC3FS7Mwc
— Awais Leghari (@akleghari) April 17, 2026
اے آر وائی نیوز کی ڈیجیٹل ڈیسک کی جانب سے شائع کی گئی خبریں