اسلام آباد (7 مارچ 2026): وزیر دفاع خواجہ آسف کا کہنا ہے کہ عالمی بحران میں حکومت کا پیٹرول و ڈیزل کی قیمت میں محدود اضافہ بہت محنت کا کام ہے۔
خواجہ آصف نے سماجی رابطوں کی ویب سائٹ ایکس پر اپنے بیان میں کہا کہ مشرق وسطیٰ اور ایران کی کشیدہ صورتحال نے عالمی معیشت کو ہلا کر رکھ دیا ہے، آبنائے ہرمز کی بندش سے چند دنوں میں پیٹرولیم مصنوعات کی قیمتیں آسمان پر ہیں۔
یہ بھی پڑھیں: عالمی مارکیٹ میں تیل کی قیمت بڑھنے پر یہاں قیمتیں بڑھانا پڑیں، وزیر اعظم
وزیر دفاع نے کہا کہ عالمی بحران میں حکومت کا پیٹرول و ڈیزل کی قیمت میں محدود اضافہ بہت محنت کا کام ہے، اس کیلیے پیشگی منصوبہ بندی، روابط اور انتظامات لمبی داستان ہے، اگر وہ سب نہ کیا ہوتا تو آج پیٹرول 375 روپے فی لیٹر ہونا تھا۔
انہوں نے مزید کہا کہ دعا کریں اللہ اسرائیل کو تباہ کرے اس کے جنگی جنون سے دنیا کو محفوظ رکھے، امت مسلمہ کو اتحاد نصیب کرے اور دوست دشمن میں تمیز کرنے کی توفیق دے۔
مشرقِ وسطیٰ اور ایران کی کشیدہ صورتحال نے عالمی معیشت کو ہلا کر رکھ دیا ہے۔ آبنائے ہرمز کی بندش کے باعث چند دنوں میں پٹرولیم مصنوعات کی قیمتوں آسمان پر ہیں۔ ایسے عالمی بحران میں حکومت کا فی لیٹر پٹرول و ڈیزل کی قیمت میں محدود اضافہ کرنا، بہت محنت کا کام ہے۔ اس کے لیے پیشگی منصوبہ…
— Khawaja M. Asif (@KhawajaMAsif) March 7, 2026
اے آر وائی نیوز کی ڈیجیٹل ڈیسک کی جانب سے شائع کی گئی خبریں