لاہور : امیرجماعت اسلامی سراج الحق نے کہا ہے کہ پیٹرول کی قیمتوں میں اضافہ مہنگائی کے ستائےعوام پر سراسر ظلم ہے، قیمتوں میں اضافہ مسترد کرتے ہیں۔

لاہور میں میڈیا نمائندگان سے گفتگو کرتے ہوئے ان کا کہنا تھا کہ حکومت نے پیٹرول کی بلند ترین قیمت کا اپنا ہی ریکارڈ توڑ ڈالا۔

پٹرول کی قیمت میں اضافہ مہنگائی کے ستائےعوام پر سراسر ظلم کے مترادف ہے، حکومت آئی ایم ایف کے سامنے مکمل سرنگوں ہوچکی ہے۔

امیرجماعت اسلامی کا کہنا تھا کہ حکومت فی الفور قیمتوں میں پیٹرولیم مصنوعات کی قیمتوں میں اضافہ واپس لے اور ساتھ ہی اشیائے ضروریہ کی قیمتیں بھی50فیصد کم کی جائیں۔

سراج الحق نے کہا کہ پی ٹی آئی نے آکسیجن کےعلاوہ ہر چیز پر ظالمانہ ٹیکس لگا دیا، جماعت اسلامی مہنگائی، بےروزگاری کیخلاف تحریک جاری رکھےگی۔