اسلام آباد: آئندہ ماہ سے پٹرولیم مصنوعات ساڑھےتین روپے فی لیٹر تک مہنگی کرنےکی تیاری کرلی گئی، اُوگرا نےحساب کتاب شروع کردیا۔
وفاقی حکومت کی جانب سے آئندہ ماہ جولائی سے پیٹرولیم مصنوعات کی قیمتوں میں ساڑھے تین روپے فی لیٹر اضافہ کیے جانے کا امکان ہے۔
تفصیلات کے مطابق عالمی منڈی میں خام تیل کی قیمت میں اضافے کے اثرات سامنے آنے والے ہیں، یکم جولائی سے پیٹرولیم مصنوعات کی قیمتوں میں ساڑھے تین روپے تک کے اضافے کا امکان ہے۔
اوگرا ذرائع کے مطابق یکم جولائی سے پٹرول1 روپے 75 پیسے اور لائٹ ڈیزل 3 روپے فی لیٹر مہنگا ہونے کا امکان ہے۔ جبکہ ہائی اوکٹین کی قیمت میں ساڑھے تین روپے فی لیٹر اضافے کا امکان ہے۔
مٹی کا تیل ڈھائی روپے ، ہائی اسپیڈ ڈیزل ڈھائی روپے بڑھنے کا امکان ہے۔ قیمتوں میں اضافے کے امکانات کےپیش نظرترسیلی کمپنیوں نے ملک بھر میں سپلائی محدود کردی ہے جس سے پیٹرول کی قلت اور بحران کا خدشہ پیدا ہوگیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں