پیٹرولیم مصنوعات کی قیمتوں میں کمی متوقع
The news is by your side.

Advertisement

پیٹرولیم مصنوعات کی قیمتوں میں کمی متوقع

اسلام آباد: پاکستان تحریک انصاف کی حکومت نے مہنگائی سے بے حال عوام کو ریلیف دینےکی تیاری کرلی، پیٹرولیم مصنوعات کی قیمت میں کمی متوقع ہے۔

تفصیلات کے مطابق یکم ستمبر سے پیٹرولیم مصنوعات کی قیمتوں میں کمی کا متوقع ہے، اوگرا نے پیٹرول کی قیمت میں دو روپے اور ڈیزل چھ روپے فی لیٹر سستا کرنے کی تجویز دے دی ہے۔

اوگرا نے تین پیٹرولیم مصنوعات کی قیمتوں میں کمی کی تجویز دی ہے، مٹی کا تیل تیس پیسے فی لیٹر سستا کرنے کی تجویز دی گئی ہے تاہم لائٹ ڈیزل کی قیمت میں ستر پیسے فی لیٹر اضافے کی سفارش کی گئی ہے۔

پیٹرولیم مصنوعات پر لیوی ٹیکس ختم کرنے کی تجویز بھی زیر غور ہے، جس سے پیٹرولیم مصنوعات مزید سستی ہونے کا امکان ہے۔

پیٹرولیم مصنوعات کی قیمت میں در وبدل کا فیصلہ وزیراعظم آج کریں گے۔

مزید پڑھیں : نگراں حکومت کا پیٹرولیم مصنوعات کی قیمتیں برقرار رکھنے کا فیصلہ

خیال رہے کہ اگست کے مہینے کے لیے نگران حکومت نے پیٹرول کی قیمت برقرار رکھنے کا فیصلہ کیا تھا جبکہ اوگرا نے پیٹرولیم مصنوعات کی قیمتیں بڑھانےکی سفارش کی تھی۔

یاد رہے کہ نگراں حکومت نے آتے ہی ایک ہی ماہ میں دو مرتبہ پیٹرولیم مصنوعات کی قیمتوں میں اضافہ کیا، وزارتِ خزانہ کی جانب سے سمری منظور ہونے کے بعد پیٹرول کی قیمت میں 7 روپے 54 پیسے اضافے سے پیٹرول 99.50 پیسے فی لیٹر ہوگیا تھا۔

Comments

comments

یہ بھی پڑھیں