آپ کو کبھی نام کی وجہ سے کوئی چیز مفت نہیں ملی ہوگی لیکن بھارت میں ایک متاثر کن اسکیم کے ذریعے شہریوں کو مفت پیٹرول فراہم کیا جارہا ہے۔
بھارتی میڈیا رپورٹ کے مطابق ریاست گجرات کے شہر بھروچ میں پیٹرول پمپ کے مالک ایوب پٹھان نامی شخص کی جانب سے ایک منفرد اسکیم کا آغاز کیا گیا ہے جس میں شہریوں کو مفت پیٹرول فراہم کیا جائے گا۔
اسکیم کا آغاز ٹوکیو اولمپکس 2020 میں جیولین تھرو کے فائنل میں طلائی تمغہ حاصل کرنے والے نیرج چوپڑا کی کامیابی پر کیا گیا۔
پیٹرول پمپ کے مالک ایوب پٹھان کی جانب سے اعلان کردہ اسکیم کے مطابق جو لوگ ’نیرج چوپڑا‘ کے نام سے لفظ ’چوپڑا‘ شیئر کرتے ہیں وہ دو دن 501 بھارتی روپے تک کا پیٹرول بالکل مفت حاصل کرسکتے ہیں۔
Gujarat | Ayuub Pathan, a petrol pump owner in Bharuch, offers free petrol, up to Rs 501, to people who share their names with Olympic gold medallist Neeraj Chopra.
"It is our 2-day scheme to honour him. We're entertaining all valid ID Card-holding namesakes of Chopra," he said. pic.twitter.com/PAc43jYw6Q
— ANI (@ANI) August 9, 2021
اسکیم کے تحت نام کے ساتھ چوپڑا لکھنے والے افراد کو مفت پیٹرول حاصل کرنے کے لیے اصل شناخت دکھانی ہوگی۔
واضح رہے کہ گزشتہ دنوں بھارتی ایتھلیٹ نیرج چوپڑا نے ٹوکیو اولمپکس کے جیولین تھرو مقابلے میں گولڈ میڈل جیتا ہے۔