کراچی: پٹرول پمپ بند کرنے کے معاملے پر پیٹرول پمپ اونرز کے اصرار کے باوجود ڈیلرز نے حمایت کا فوری اعلان کرنے سے انکار کر دیا۔
کراچی پیٹرولیم ڈیلرا یسوسی ایشن اور پیٹرول پمپ اونرز ایسوسی ایشن میں ہڑتال کے معاملے پر اختلاف ہو گیا۔ پیٹرولیم ڈیلرز ایسوسی ایشن کی ایگزیکٹو کمیٹی کا اہم اجلاس بدھ کو طلب کر لیا گیا جس میں ملک گیر لائحہ عمل پر غور ہو گا۔
ملک بھر کے ڈیلرز سے مشاورت کے بعد اوگرا کی 7 روزہ مہلت پر حتمی فیصلہ کیا جائے گا۔ اجلاس میں ملک گیر ہڑتال یا دیگر احتجاجی آپشنز پر فیصلہ کیا جائے گا۔
پیٹرولیم ڈیلرز ایسوسی ایشن کا کہنا ہے کہ حکومت نے مسائل حل کرنے کی یقین دہانی کرائی ہے اور ایک ہفتے کی مہلت مانگی ہے حتمی فیصلے سے اوگرا کو باضابطہ طور پر آگاہ کیا جائے گا۔
پیٹرولیم ڈیلرز ایسوسی ایشن نے کہا کہ حکومت نے مسائل کے حل کے لیے ایک ہفتے کی مہلت مانگی ہے جس پر مشاورت سے فیصلہ ہو گا۔
