پیٹرولیم مصنوعات کی قیمتوں میں 4روپے تک کمی کا امکان -
The news is by your side.

Advertisement

پیٹرولیم مصنوعات کی قیمتوں میں 4روپے تک کمی کا امکان

اسلام آباد : آئندہ ماہ پیٹرولیم مصنوعات کی قیمتوں میں چار روپے تک کمی کا امکان ہے، قیمتوں میں کمی کا حتمی فیصلہ وزیراعظم نواز شریف کریں گے۔

عالمی منڈی میں سستے خام تیل کے اثرات پاکستانی عوام تک منتقل کرنے کیلئے پیٹرولیم مصنوعات سستی ہوسکتی ہیں، ابتدائی سمری کے مطابق پیٹرولیم مصنوعات کی قیمتوں میں چار روپے تک کی کمی کا امکان ہے۔

ذرائع کے مطابق پیڑول کی فی لیٹر قیمت میں تین روپےتیس پیسے جبکہ ہائی اسپیڈ ڈیزل کی قیمت میں تین روپے اسی پیسے کمی متوقع ہے ۔ لائٹ ڈیزل دو روپے دس پیسے اور مٹی کاتیل کی قیمت ڈھائی روپے فی لیٹر سستا ہونے کا امکان ہے ۔

ہائی اوکیٹن کی قیمت میں چار روپے تک کمی ہوسکتی ہے۔ قیمتوں میں کمی کا حتمی فیصلہ وزیراعظم کریں گے۔


مزید پڑھیں: حکومت نے پیٹرولیم مصنوعات کی قیمت برقرار رکھتے ہوئے سیلز ٹیکس بڑھا دیا


واضح رہے کہ گزشتہ دو ماہ سے حکومت نے پیٹرولیم مصنوعات کی قیمتوں کو برقرار رکھا ہے جبکہ ٹیکس بڑھا دیا تھا، اوگرا نے عالمی مارکیٹ میں خام تیل کی قیمتوں میں کمی کے باعث پیٹرولیم مصنوعات کی قیمتوں میں کمی کی تجویز دی تھی۔

اکتیس اگست تک پیٹرول پر سیلز ٹیکس سترہ فیصد تھا، جو حکومت نے بڑھا کر بیس فیصد کیا جبکہ ڈیزل پر سیلز ٹیکس میں ساڑھے پینتیس فیصد ، ہائی اوکٹین پر ساڑھے تین فیصد کا اضافہ کیا تھا۔

Comments

comments

یہ بھی پڑھیں