حکومت کی جانب سے آئندہ 15 روز کے لیے پیٹرولیم مصنوعات کی قیمتوں کا اعلان کردیا گیا ہے۔
حکومت کی جانب سے ڈیزل کی قیمت میں فی لیٹر 6 روپے کا اضافہ کیا گیا ہے کہ جبکہ پیٹرول کی قیمت برقرار رکھی گئی ہے۔
ڈیزل کی نئی قیمت اضافے کے بعد 284 روپے 4 پیسے مقرر ہوگئی۔
پیٹرول کی قیمت میں کوئی ردوبدل نہیں کیا گیا ہے، پیٹرول کی نئی قیمت 265 روپے 45 پیسے فی لیٹر برقرار ہے۔
پیٹرولیم مصنوعات کی نئی قیمتوں کا اطلاق رات 12 بجے سے ہوگیا ہے۔
واضح رہے کہ ملک میں 16 نومبر سے پٹرولیم مصنوعات کی قیمتوں میں ممکنہ اضافے کی خبروں پر نجی تیل کمپنیوں نے ڈیزل کی فروخت بند کردی۔
جس کئے باعث ملک کے مختلف علاقوں میں ڈیزل کی شدید قلت پیدا ہوگئی ہے اور کئی شہروں میں ڈیزل کی دستیابی متاثر ہوئی۔
پٹرولیم ڈیلرز ایسوسی ایشن کے نائب چیئرمین نعمان بٹ نے بتایا تھا کہ گزشتہ تین روز سے نجی کمپنیاں ڈیزل فراہم نہیں کر رہیں اور مصنوعی قلت پیدا کی گئی ہے۔
نعمان بٹ کا کہنا تھا پی ایس او ڈپوز سے ڈیزل فراہم کیا جارہا ہے تاہم یہ مقدار ضروریات پوری کرنے کے لیے ناکافی ہے, تیل کمپنیوں نے ڈیزل کا کوٹہ مقرر کر دیا ہے جبکہ آرڈرز کو بار بار منسوخ بھی کیا جارہا ہے۔
Shoaib Nizami reports Finance, Fedeal Board of Revenue, Planning , Public Accounts, Banking, Capital Market, SECP, IMF, World Bank, Asian Development Bank, FATF updates for ARY News