The news is by your side.

Advertisement

حکومت کا پیٹرولیم مصنوعات کی قیمتیں برقرار رکھنے کا اعلان

اسلام آباد: حکومت نے اوگرا کی جانب سے پیٹرولیم مصنوعات کی قیمتوں میں اضافے کی سفارش مسترد کرتے ہوئے پیٹرولیم مصنوعات کی قیمتیں برقرار رکھنے کا اعلان کردیا ہے۔

وزیرخزانہ کا کہنا ہے کہ یپیٹرولیم مصنوعات کی موجودہ قیمتیں جولائی میں بھی برقرار رہیں گی، حکومت نے چار تیل مصنوعات کی قیمتیں نہ بڑھانے کا اعلان کیا تاہم حکومت نے اُوگرا کی لائیٹ ڈیزل کی قیمت میں اضافے کی سفارش منظور کرلی ہے۔

اسحاق ڈار کا کہنا تھا کہ لائٹ ڈیزل کی قیمت میں اضافے سے ایک عام آدمی کی روز مرہ کے معمولات زندگی متاثر نہیں ہوں گے، ‘کیونکہ ایک عام آدمی لائٹ ڈیزل کا استعمال نہیں کرتا’۔

انکا مزید کہنا تھا کہ اوگرا نے پیٹرولیم مصنوعات کی قیمتوں میں اضافے کی سفارش کی تھی جسے حکومت نے مسترد کردیا ہے اور آئندہ ماہ کے لیے پیٹرولیم مصنوعات کی قیمتوں میں اضافہ نہیں ہوگا، جس کے بعد پیٹرول کی فی لیٹر قیمت 64.27 روپے ہی رہے گی۔

وزیرخزانہ کے مطابق پٹرولیم مصنوعات کی قیمتیں برقرار رکھنے پر حکومت 3ارب کا بوجھ برداشت کرے گی۔

واضح رہے کہ اوگرا نے یکم جولائی سے پیٹرول کی قیمت میں ایک روپے 93 پیسے فی لیٹر، ہائی اوکٹین ساڑھے 3 روپے اور ڈیزل 3 روپے 75 پیسے فی لیٹر مہنگا کرنے کی سفارش کی تھی۔

Print Friendly, PDF & Email

Comments

comments

یہ بھی پڑھیں