The news is by your side.

Advertisement

یو اے ای میں پٹرول کی قیمتوں میں اضافہ

دبئی: متحدہ عرب امارات کی حکومت نے پیٹرولیم مصنوعات کی قیمتوں میں اضافہ کردیا ہے، دوسری جانب ڈیزل کی قیمتوں میں کمی دیکھنے میں آئی ہے۔

تفصیلات کے مطابق متحدہ عرب امارات کی حکومت نے ماہ اگست کے لیے پیٹرولیم مصنوعات کی قیمتوں میں معمولی اضافہ کیا ہے اور اب سپر 98 یواے ای کے شہریوں کو 2.57 درہم (85.09 پاکستانی روپے) فی لیٹر پر ملے گا جبکہ اسپیشل 95 کی قیمت 2.46 درہم ( 81.45 پاکستانی روپے) فی لیٹرپر ملے گا۔

گزشتہ ماہ جولائی میں سپر 98 کی قیمت 2.56 درہم فی لیٹرتھی جبکہ اسپیشل95 کی قیمت2.45 درہم فی لیٹرپر مارکیٹ میں بیچا جارہا تھا۔

دوسری جانب ان لیڈڈ 91 پیٹرول کی قیمت 2.38 درہم فی لیٹررہے گی جو کہ گزشتہ ماہ جولائی میں 2.37 درہم فی لیٹرتھی ۔ ڈیزل کی قیمت میں کمی دیکھنے میں آئی ہے اور جولائی میں 2.66 درہم فی لیٹر ملنے والا ڈیزل اب 2.63 درہم پر ملے گا۔

یاد رہے کہ متحدہ عرب امارات کا شمار تیل پیدا کرنے والے ممالک میں ہوتا ہے اور پٹرولیم مصنوعات ہی ان کی معیشت میں ریڑھ کی ہڈی کی حیثیت رکھتی ہیں۔ تاہم عالمی مارکیٹ میں قیمتیں بڑھنے سے اب وہاں کے عوام بھی مہنگا پٹرول خریدنے پر مجبور ہیں۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں