site
stats
پاکستان

پیٹرولیم مصنوعات میں اضافے کی سمری تیار

اسلام آباد : پٹرولیم مصنوعات کی قیمتوں میں اضافے کی سمری وزارت پٹرولیم کو موصول ہو گئی ہے، سمری میں یکم جنوری سے پٹرولیم مصنوعات میں اضافے کی سفارش کی گئی ہے۔

وزارت پیٹرولیم کو ارسال کردہ پیٹرول مصنوعات میں اضافے کی سمری میں پٹرول 31 پیسے اور ہائی اسپیڈ ڈیزل 3 روپے 94 پیسے فی لیٹر مہنگا کرنے کی سفارش کی گئی ہے جب کہ مٹی کا تیل6 روپے 93 پیسے فی لیٹر، اور لائٹ ڈیزل 3 روپے 48 پیسے فی لیٹر مہنگا کرنے کی سفارش رکھی گئی ہے۔

اسی سے متعلق : نیپرا، اوگرا سمیت 5 ریگولیٹری اتھارٹیز، وزارتوں کے ماتحت

وزارت خزانہ وزارت پیٹرولیم کو ارسال کردہ یٹرولیم مصنوعات سے متعلق کو سمری کو وزیر اعظم کی منظوری کے لیے وزیراعظم سیکریٹیریٹ بھیجوائے گی جہاں وزیراعظم کی منظوری کے بعد پیٹرولیم مصنوعات کی نئی قیمتوں کا حتمی اعلان 31دسمبر کو کیا جائے گا۔

واضح رہے اوگرا سمیت پانچ ریگولیٹری اتھارٹیز کو متعلقہ وزارتوں کے ماتحت کردیا گیا تھا جس کے بعد وزارت پٹرولیم نے اوگرا کا انتظامی کنٹرول سنھال لیا ہے جب کہ وزارت پٹرولیم کے ریٹائرڈ ممبر برائے گیس عامر نسیم کو دوبارہ تعینات کرنے کا فیصلہ کیا گیا ہے۔

وزیر پٹرولیم کی منظوری کے بعدعامر نسیم کو دوبارہ تعینات کرنے کی سمری وزیراعظم ہاؤس کو ارسال کردی گئی ہے ، جہاں وزیراعظم عامر نسیم کی دوبارہ تعیناتی کی باضابطہ منظوری دیں گے۔

دوسری جانب وزارت قانون کے ذرائع کا کہنا ہے کہ عامر نسیم 22 دسمبر کو مدت ملازمت پوری کرکے ریٹائر ہوچکے ہیں اور ریٹائرڈ ممبر کو دوبارہ تقرر کرنا خلاف قانون ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top