The news is by your side.

Advertisement

پیٹرولیم مصنوعات کی قیمتوں میں 7 روپے 80 پیسے تک کا اضافہ متوقع

اسلام آباد: یکم جون سے ملک بھر میں پیٹرولیم مصنوعات کی قیمتوں میں سات روپے اسی پیسے تک کا اضافہ متوقع ہے۔

تفصیلات کے مطابق عوام کے لیے ایک اور بری خبر سامنے آگئی، اب عوام ہوجائیں خبردار کیوں کہ حکومت کرے گی ایک بار پھر پٹرول بم کا وار جس کے بعد آئے گا مہنگائی کا طوفان، یکم جون سے پیٹرولیم مصنوعات کی قیمتوں میں سات روپے سے زائد کا اضافہ متوقع ہے۔

زرائع کا کہنا ہے کہ عالمی منڈی میں خام تیل کی قیمتوں میں اضافہ ہوا ہے جس کے بعد ملک میں یکم جون سے پیٹرولیم مصنوعات کی قیمتوں میں سات روپے اسی پیسے تک کا اضافہ ہوسکتا ہے۔


ن لیگ نے جاتے جاتے پیٹرولیم مصنوعات کی قیمتوں میں اضافہ کردیا


انڈسٹری زرائع کے مطابق پیٹرول کی قیمت میں سات روپے چھیالیس پیسے جبکہ ہائی اسپیڈ ڈیزل سات روپے چھیاسی پیسے تک کا اضافہ متوقع ہے جبکہ لائٹ ڈیزل آئل کی قیمت میں پانچ روپے پچیس پیسے جبکہ مٹی کا تیل پانچ روپے اکسٹھ پیسے مہنگا ہونے کا امکان ہے۔

دوسری جانب معاشی ماہرین کا کہنا ہے کہ خام تیل کی قیمت چار سال کی بلند ترین سطح تک جا پہنچی ہے جو کہ درآمد کرنے والے ممالک میں مہنگائی میں اضافے کا باعث بنے گی، علاوہ ازیں حکومت اپنے دور کے آخری دن پیٹرولیم مصنوعات کی قیمتوں میں رد وبدل کا فیصلہ کرےگی۔


یکم جولائی سے پیٹرولیم مصنوعات کی قیمتوں میں اضافہ: پوسٹ بجٹ بریفنگ


خیال رہے کہ گذشتہ روز وزیر خزانہ مفتاح اسماعیل اور معاون خصوصی ریونیو ہارون اختر نے پوسٹ بجٹ پر پریس کانفرنس کرتے ہوئے بریفنگ دی تھی کہ پیٹرولیم ڈیولپمنٹ لیوی میں اضافہ کیا ہے جس کے بعد یکم جولائی سے صرف لیوی بڑھائی جائے گی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں