پیٹرول اورڈیزل کی قیمت میں کمی کا اعلان -
The news is by your side.

Advertisement

پیٹرول اورڈیزل کی قیمت میں کمی کا اعلان

اسلام آباد : وزیر خزانہ اسحاق ڈار نے پیٹرولیم مصنوعات کی قیمتوں میں کمی کا اعلان کردیا، پیٹرول اور ڈیزل کی قیمتوں میں ڈیڑھ روپے فی لیٹر کمی کا فیصلہ کیا گیا ہے، قیمتوں میں کمی ایک ماہ کے لیے کی گئی ہے۔

تفصیلات کے مطابق عالمی منڈی میں تیل کی مارکیٹ میں مندی کی وجہ سے پاکستان میں بھی پیٹرول اور ڈیزل کچھ سستا کردیا گیا، عوام کو تو پیٹرولیم مصنوعات کی قیمت میں ساڑھے تین روپے کمی کی توقع تھی مگر کمی صرف ڈیڑھ روپے کی گئی ہے۔

ماہ جولائی میں پیٹرولیم مصنوعات کی قیمتیں کچھ اس طرح ہوں گی پیٹرول کی فی لیٹر قیمت بہتر روپے اسی پیسے سے کم ہوکر اکہتر روپے تیس پیسے ہوگئی جبکہ ڈیزل کی فی لیٹر قیمت اکیاسی روپے چالیس پیسے سے کم ہوکر اناسی روپے نوے پیسے ہوگئی ہے۔

نئی قیمتوں کا اطلاق آج رات 12بجے سے ہو گا جو اگلے ایک ماہ تک نافذ العمل رہیں گی، یاد رہے کہ مٹی کے تیل سیمت پیٹرولیم کی دیگر مصنوعات کی قیمتوں میں کوئی ردو بدل نہیں کیا گیا۔

واضح رہے کہ اوگرا نے پیٹرولیم مصنوعات کی قیمتوں میں ردوبدل کی سمری وزارت پیٹرولیم کو ارسال کی تھی جس کے مطابق ہائی اسپیڈ ڈیزل کی قیمت میں 2روپے 70پیسے فی لیٹر جبکہ پیٹرول کی قیمت میں 3روپے 30 پیسے فی لیٹر کمی کی تجویز دی گئی تھی۔

Comments

comments

یہ بھی پڑھیں