The news is by your side.

Advertisement

کورونا وائرس : فائزر کمپنی کا اپنی دوا سے متعلق بڑا دعویٰ

امریکی دوا ساز کمپنی فائزر نے کورونا کے سدباب کے لیے بنائی گئی گولی کے بارے میں دعویٰ کیا ہے کہ اس کے استعمال سے موت کے امکانات میں 89 فیصد کمی واقع ہوسکتی ہے۔

ترجمان فائزر نے اپنے ایک حالیہ بیان میں کہا ہے کہ کورونا وائرس کے علاج کے لیے پہلی اینٹی وائرل گولی کے کلینیکل ٹرائل سے ظاہر ہوتا ہے کہ یہ انتہائی مؤثر دوا ہے۔

فرانسیسی خبر رساں ادارے اے ایف پی کے مطابق کورونا وائرس سے شدید متاثر ہونے والے افراد کے لیے پیکسلووڈ نامی دوا 89 فیصد مؤثر ہے۔

فائزر نے کہا ہے کہ کلینیکل ٹرائل کے دوسرے اور تیسرے مرحلے میں نتائج اتنے اچھے آئے ہیں کہ اب مزید تجربے کے لیے نئے لوگوں کو نہیں شامل کیا جائے گا۔

پہلی اینٹی وائرل گولیوں کے لیے فائزر اپنا ڈیٹا فوڈ اینڈ درگ ایڈمنسٹریشن کو جمع کرائے گی۔ فائزر کے سی ای او البرٹ بورلا کا کہنا ہے کہ وبائی مرض کی تباہی کو روکنے کے لیے آج کی خبر عالمی کوششوں میں ایک حقیقی گیم چینجر کی حیثیت رکھتی ہے۔

انہوں نے کہا کہ اعداد و شمار بتاتے ہیں کہ ہماری اینٹی وائرل دوا اگر حکام کی جانب سے منظور ہوتی ہے تواس میں نہ صرف مریضوں کی زندگیاں بچانے اور کورونا وائرس کے انفیکشن کی شدت کو کم کرنے بلکہ ہسپتالوں میں داخلے کی شرح کو کم کرنے کی بھی صلاحیت ہے۔

متعدد دوا ساز کمپنیاں کورونا وائرس کے علاج کے لیے نگلنے والی دوا پر کام کر رہی ہیں۔ فائزر نے مارچ 2020میں اپنی دوا تیار کرنا شروع کی تھی۔

دیگر دواساز کمپنیاں بھی کورونا وائرس کے خلاف موجود اینٹی وائرل دوائیوں پر تجربے کر رہی ہیں تاہم فائزرپہلی دواساز کمپنی ہے جس نے خصوصی طور پر یہ دوا تیار کی ہے۔

اگر یہ دوا واقعی میں مؤثر ثابت ہوتی ہے تو یہ ممکنہ طور پر انفیکشن کے ابتدائی مرحلے میں فائدہ مند ہوگی۔جمعرات کو برطانیہ نے کورونا وائرس کے علاج کے لیے اینٹی وائرل دوا (گولی) کے استعمال کی اجازت دی تھی، برطانیہ اس دوا کی اجازت دینے والا پہلا ملک بن گیا ہے۔

برطانوی وزیر صحت ساجد جاوید نے کہا تھا کہ برطانیہ نے وائرس کے خلاف لڑنے والی دوا کے استعمال کی اجازت دے دی ہے جو کورونا کے علاج کے لیے گھر لے جائی جا سکتی ہے۔

انہوں نے کہا کہ یہ شدید غیر محفوظ اور کمزور مدافعتی نظام والے لوگوں کے لیے گیم چینجر ہوگا، جو جلد اس کے ذریعے اپنا علاج کروا سکیں گے۔

Comments

یہ بھی پڑھیں