تازہ ترین

اے آر وائی نیوز کی بحالی: پی ایف یو جے کا پیر سے پیمرا آفس کے باہر مستقل احتجاج کا اعلان

اسلام آباد : پی ایف یو جے نے اے آر وائی نیوزکی بحالی کیلئے پیر سے پیمرا آفس کے باہرمستقل احتجاج کا اعلان کردیا۔

تفصیلات کے مطابق اسلام آباد میں افضل بٹ کی زیرصدارت پی ایف یوجے کا اجلاس ہوا ، جس میں آرآئی یو جے اور نیشنل پریس کلب کے عہدیداران اور ممبران نے شرکت کی

اجلاس میں اے آر وائی نیوز نشریات کی بحالی کیلئے کل نیشنل پریس کلب کے باہر احتجاج کا فیصلہ کیا گیا۔

پی ایف یو جے نے اے آر وائی نیوزکی بحالی کیلئے پیر کو پیمرا آٖفس کے باہر مستقل احتجاجی کیمپ لگانے کا اعلان بھی کیا۔

گذشتہ روز اے آر وائی نیوز کی طویل بندش کیخلاف پی ایف یوجے نے تمام صحافیوں سے اسلام آباد کا رخ کرنے کی اپیل کی تھی۔

پی ایف یوجے کے سیکریٹری جنرل رانا عظیم کا کہنا تھا کہ پیمرا ڈرامےکررہا ہے، کیبل آپریٹرز کے دفاترپر چھاپے مارے جارہے ہیں اور اگر اےآروائی نیوز چل رہا ہے تو پورا دفترسیل کرنےکی دھمکی دی جاتی ہے۔

رانا عظیم نے کہا تھا کہ حکومت آزادی صحافت پرپابندی لگانےمیں مصروف ہے، اب انصاف کیلئے دھرنا سپریم کورٹ کے باہر ہوگا اور پیمرا آفس کے باہر بھی دھرنا دیں گے۔

Comments

- Advertisement -