اے آر وائی کی بندش کے خلاف دیے گئے دھرنے کی قیادت پاکستان فیڈرل یونین آف جرنلسٹ کے صدر افضل بٹ کر رہے ہیں جس میں جڑواں شہروں اسلام آباد اور راولپنڈی کے صحافیوں کی بڑی تعداد شریک ہے۔
اے آروائی نیوز براہِ راست دیکھیں live.arynews.tv پر
احتجاج میں شریک صحافی آزادی صحافت پر پابندی نامنظور اور دیگر نعرے لگا رہے تھے، اس موقع پر صدر پی ایف یو جے نے کہا کہ ہمارا اے آر وائی نیوز کی نشریات بحال ہونے تک احتجاج جاری رہے گا۔
واضح رہے کہ اے آر وائی نیوز کی نشریات کیبل پر گزشتہ 21 روز سے ملک بھر میں بند ہیں۔ عدالت کے کئی بار واضح احکامات کے باوجود پیمرا نے تاحال چینل کی نشریات بحال نہیں کی ہیں۔
اے آر وائی کی اس جبری بندش کے خلاف ملک بھر کی صحافتی تنظیمیں اور مختلف شعبہ ہائے زندگی سے تعلق رکھنے والے افراد بھی مسلسل سراپا احتجاج ہیں جب کہ 4 ہزار سے زائد کارکنوں میں بھی شدید بے چینی پائی جاتی ہے۔
گزشتہ دنوں پی ایف یو جے کے صدر افضل بٹ کی سربراہی میں اجلاس ہوا تھا جس میں آر آئی یو جے اور نیشنل پریس کلب کے عہدیداروں اور اراکین نے شرکت کی تھی۔ اجلاس میں اے آر وائی نیوز کی بحالی کیلئے پیر سے پیمرا آفس کے باہرمستقل احتجاج کا اعلان کیا ہوا تھا۔
