برطانیہ میں سائسندانوں نے مسلسل ڈیڑھ سال سے زائد عرصے تک اڑان بھرنے والے ڈرون طیارے کا کامیاب تجربہ کیا ہے۔
برطانوی میڈیا کے مطابق غیرمعمولی صلاحیتوں اور جدید نظام سے لیس یہ ڈرون عسکری و سول مقاصد کے لیے استعمال ہو گا۔
انٹرنیٹ کی فراہمی اور فضا میں دیگر امور کی انجام دہی کے لیے بھی یہ ڈرون انتہائی کارگر ثابت ہوگا۔ حیرت انگیز طور پر طویل ترین مدت کے لیے پرواز کی صلاحیت رکھنے والے اس ڈرون کو شمسی توانائی سے چلایا جائے گا۔
دن کے اوقات میں شمسی توانائی کو چھوٹی چھوٹی بیٹریوں میں ذخیرہ کر کے رات کے آپریشنز میں اسے استعمال کیا جائے گا۔
ماہرین کے مطابق یہ 70 ہزار فٹ کی بلندی تک اڑان بھر سکتا ہے اور مسلسل 20 ماہ تک رکے بغیر آپریشنل رہ سکتا ہے۔
اس ڈرون کو PHASA-35 کا نام دیا گیا ہے جو کہ برطانیہ ڈرون ساز کمپنی بنا رہی ہے، ابتدائی پرواز کامیاب رہنے کے بعد مزید تجربات کیے جارہے ہیں۔
ڈررون کا وزن صرف 150 کلوگرام ہے اور 15 کلوگرام پلے لوڑ برادشت کر سکتا ہے۔ اس کے پر 115 فٹ لمبے ہیں جو اس کی پرواز کو ہموار رکھنے میں معاونت کرتے ہیں۔