The news is by your side.

Advertisement

ورلڈ کپ میں ناقص کارکردگی، ہاکی ٹیم کے سینئیر کھلاڑی پرو لیگ اسکواڈ سے باہر

لاہور : پی ایچ ایف نے سنیئر کھلاڑیوں کے خلاف آپریشن کلین اپ کرتے ہوئے پرو لیگ سے قومی ہاکی ٹیم کے کئی سینئر کھلاڑی ڈراپ کردیئے، اولمپک کوالیفائنگ راؤنڈ کیلئے جونئیر کھلاڑیوں پر تجربہ ہوگا۔

تفصیلات کے مطابق پاکستان ہاکی فیڈریشن نے سینئر کھلاڑیوں کے خلاف آپریشن کلین سوئپ شروع کردیا، پرو لیگ کیلئے جاری کردہ فہرست سے ڈراپ ہونے پر سینئرز سخت نالاں ہیں۔

ہاکی ورلڈ کپ میں ناقص کارکردگی کے بعد سینئر کھلاڑیوں کو قصور وار دے کر فیڈریشن نے انہیں اپنی گڈ بک سے باہر کردیا، اولمپک کوالیفائنگ راؤنڈ کیلئے پی ایچ ایف نے جونئیر کھلاڑیوں کی ٹیم تشکیل دینے کا فیصلہ کرلیا ہے۔

مذکورہ کھلاڑیوں نے قومی ٹیم سے محرومی کے بعد لیگز کھیلنے ارادہ کرلیا۔ سینئرکھلاڑیوں کا کہنا ہے کہ پی ایچ ایف کا تھنک ٹینک غلط ہاتھوں میں ہے، ٹیمیں کمبی نیشن سے بنتی ہیں، مینجمنٹ قومی کھیل کو ترقی تو نہیں البتہ تنزلی کی جانب ضرور پہنچا دے گی۔

واضح رہے کہ پرو ہاکی لیگ کیلئے پاکستان ہاکی فیڈریشن نے26کھکلاڑیوں کے ناموں کو فائنل کرکے بھجوا دیا ہے، نئے اسکوڈ میں کپتان رضوان سنئیر، عرفان سنئیر، تصورعباس، محمد توثیق، راشد محمود اور عمربھٹہ شامل نہیں ہیں۔

عبوری ٹیم میں تین گول کیپر منیب الرحمان، وقار اور حیدر علی جبکہ دیگر کھلاڑیوں میں علی رضوان، تعظیم الحسن، امجد خان، معین شکیل، محمد کمال، محمد مشتاق، عدیل لطیف، محمد یعقوب اور سہیل ریاض، محمد ابوبکر عماد بٹ اور علی مبشر ٹیم کا حصہ ہیں۔

اس کے علاوہ محمد عتیق، رانا عبدالرحمان، محمد حماد الدین، ساران، افراز اور شان ارشاد کو بھی ٹیم میں شامل کیا گیا ہے۔ خیر شاہ، سہیل انجم،علی غضنفر اور جنید منظور بھی شامل ہیں۔

واضح رہے کہ پاکستان ہاکی ٹیم کے گول کیپر عمران بٹ نے انٹرنیشنل ہاکی سے ریٹائرمنٹ کا اعلان کرچکے ہیں۔ بھارت میں ہونے والا ورلڈ کپ ان کا آخری ایونٹ تھا، عمران بٹ نے مجموعی طور پر ڈیڑھ سو سے زائد میچوں میں پاکستان کی نمائندگی کی۔

Comments

comments

یہ بھی پڑھیں