The news is by your side.

فلپائن : سمندری طوفان نے تباہی مچادی، 16افراد ہلاک

فلپائن : کوپو نامی سمندری طوفان نے تباہی مچادی، جس کے نتیجے میں سولہ افراد ہلاک جبکہ ساٹھ ہزار سے زائد نقل مکانی پر مجبور ہوگئے.

فلپائن میں سمندری طوفان نے بڑے پیمانے پر تباہی مچادی،ایک سو بیس میل فی گھنٹہ کی رفتار سے چلنے والی ہواؤں ،سیلاب اور لینڈ سلائڈنگ کے باعث نظام زندگی مفلوج ہوکر رہ گیا جبکہ بجلی کا نظام اور زرائع آمدورفت معطل ہوگئے ہیں۔

سمندری طوفان کے باعث متعدد افراد لاپتہ ہیں، جس سے ہلاکتوں میں اضافے کا خدشہ ہے اب تک ساٹھ ہزار افراد نقل مکانی کرچکے ہیں جنہیں امدادی کیمپوں میں منتقل کیا جارہا ہے۔

سمندری طوفان کے اثرات مزید چند روز تک جاری رہیں گے، جس سے مزید تباہی کا خدشہ ہے۔

موسم سے متعلق پیش گوئیوں کے مطابق طوفان کی وجہ سے آئندہ تین دن تک تیز بارشیں ہوں گی، جس سے سیلاب اور مٹی کے تودے گرنے کے واقعات کا خدشہ مزید بڑھ گیا ہے.

Print Friendly, PDF & Email

Comments

comments

یہ بھی پڑھیں