The news is by your side.

Advertisement

پی آئی اے انتظامیہ اور فضائی عملے میں کشیدگی ختم

اسلام آباد: پی آئی اے انتظامیہ نے پائلٹس کے ساتھ ساتھ فضائی عملے کو بھی راضی کرنا شروع کردیا۔

انٹرنیشنل پروازوں پر فضائی عملے کا رکا ہوا بین الاقوامی سلپ الاؤنس بحال کر دیا گیا ہے اور اس حوالے سے چیف ہومن ریسورس آفیسر ائیرکموڈور عامر الطاف نے نوٹیفیکیشن جاری کردیا ہے۔

سی ای او ایئر مارشل ارشد ملک کی ہدایت پر پی آئی اے انتظامیہ نے بین الاقوامی پروازوں کی روانگی سے پہلے فضائی میزبانوں کو انٹرنیشنل سلپ الاونس ادا کرنے کے احکامات جاری کر دیئے ہیں۔

یہ بھی پڑھیں: پی آئی اے، پالپا کےمذاکرات کامیاب، قومی ایئر لائن کا آپریشن بحال

روانگی سے پہلے آئندہ فضائی عملے کو انٹرنیشنل سلپ الاؤنس ائیرپورٹ پر نقد ادا کر دیا جائے گا۔فضائی میزبانوں کا الاؤنس آئی پی آئی اے کے بڑھتے ہوئی خسارے کے باعث پچھلے کئی ماہ سے بند تھا۔

واضح رہے کہ گزشتہ روز سیکریٹری ایوی ایشن اور پائلٹس ایسوسی ایشن (پالپا) کے درمیان مذاکرات کامیاب ہونے کے بعد قومی ایئرلائن کا آپریشن بحال ہوگیا تھا۔

پی آئی اے اور پالپا کے درمیان کامیاب مذاکرات کے بعد تحریری معاہدہ طے پایا، پالپا کے نائب صدر اور ڈائریکٹر پی آئی اے نے معاہدے پر دستخط کیے تھے۔

fb-share-icon0
Tweet 20

Comments

comments

یہ بھی پڑھیں