پی آئی اے کے پائلٹ نے مسافروں کو کاک پٹ میں بٹھا لیا -
The news is by your side.

Advertisement

پی آئی اے کے پائلٹ نے مسافروں کو کاک پٹ میں بٹھا لیا

کراچی : پی آئی اے کے پائلٹ نے ایئر ہوسٹسز کیلئے مختص نشستوں پر مسافروں کو بٹھا لیا، مسافروں کو کراچی سے مدینہ کیلئے سفر کرایا گیا، معاملے کی تحقیقات کیلئے کمیٹی قائم کردی گئی۔

تفصیلات کے مطابق باکمال لوگوں کی لاجواب سروس کا ایک اور کارنامہ سامنے آیا ہے، پی آئی اے کے پائلٹ نے عالمی قوانین کی سنگین خلاف ورزی کرتے ہوئے فضائی میزبانوں کے لئے مختص نشستوں پرمسافروں کو سفر کرا ڈالا، کپتان انورعادل 4 افراد کو جمپ سیٹ اور 2 کو کاک پٹ میں بٹھاکر لے گیا۔

ذرائع کے مطابق کیپٹن انورعادل نے مسافروں کو کراچی سے مدینہ کے لئے سفر کرایا، جہاز کے جمپ سیٹ پر صرف کیبن کریو کے بیٹھنے کی اجازت ہوتی ہے جبکہ خاص تعداد سے زائد مسافروں کی جمپ سیٹ پر موجودگی قوانین کی سنگین خلاف ورزی ہے۔

نشستوں کی دستیابی کی صورت میں اضافی مسافر پرواز پر لئے جاتے ہیں، ذرائع کا کہنا ہے کہ عملے کے انکار پر کپتان نے پرواز نمبر 743 پر مسافروں کو لینے کے لئے اختیارات استعمال کئے۔

 اطلاع ملنے پر معاملے کی تحقیقات کے لئے چیف ایگزیکٹو آفیسر نے کمیٹی قائم کر دی ، کپتان اورفرسٹ افسرعدیل حامد کیخلاف تحقیقات کاحکم دے دیا گیا۔

ترجمان پی آئی اے دانیال گیلانی کا کہنا ہے کہ واقعے کی تحقیقات جاری ہیں، ذمہ داران کے خلاف محکمہ جاتی کارروائی کی جائے گی۔

Comments

comments

یہ بھی پڑھیں