تازہ ترین

پی آئی اے کی فضائی میزبان قیمتی موبائل فونز کی اسمگلنگ میں ملوث

کراچی : ٹورنٹو سے لاہور آنے والی پی آئی اے کی پرواز میں تعینات تین فضائی میزبانوں کے مبینہ طور پر قیمتی موبائلوں کی اسمگلنگ میں ملوث ہونے کا انکشاف ہوا ہے۔

اس حوالے سے ذرائع کا کہنا ہے کہ پی آئی اے کی فضائی میزبان شازیہ تبسم، حنا ثانی اورعلی احمد پر قیمتی موبائل اورمہنگے ترین پرفیوم سمیت دیگر قیمتی اشیاء لانے کا الزام ہے۔

ذرائع کےمطابق تینوں فضائی میزبان لاہور ایئرپورٹ پہنچتے ہی اپنا دستی سامان چھوڑ کر فرار ہوگئے تھے، کسٹمز کو یہ بیگ پڑے ہوئے ملے تھے۔ کسٹمز اہلکاروں نے بیگ کی تلاشی لی تو اس میں سے آئی فون موبائل، پرفیوم اور دیگر ممنوعہ قیمتی اشیاء برآمد ہوئیں۔

ذرائع کا کہنا ہے کہ محکمہ کسٹمز نے مزید کارروائی کرتے ہوئے سی سی ٹی وی فوٹیج دیکھی تو اس میں پی آئی اے کے تین فضائی میزبانوں کی شناخت سامنے آئی۔

بعد ازاں پی آئی اے انتظامیہ سے شکایت کرنے پر پی آئی اے کی ویجلنس ٹیم نے واقعہ کا سختی نوٹس لے لیا، ذرائع کے مطابق تین فضائی میزبان اور بیس منیجر کو بھی تحقیقات میں شامل کرلیا گیا۔

ترجمان پی آئی اے نے واقعے کی تصدیق کرتے ہوئے کہا کہ نظم و ضبط کی خلاف ورزی کرنے پر سخت کارروائی عمل میں لائی جائے گی۔

ترجمان پی آئی اے کا کہنا ہے کہ پی آئی اے ویجلنس معاملے کی مکمل تحقیقات کررہی ہے، تحقیقات مکمل ہوتے ہی مذکورہ فضائی میزبانوں کیخلاف ضابطے کی کارروائی عمل میں لائی جائے گی۔

Comments

- Advertisement -
محمد صلاح الدین
محمد صلاح الدین
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں