The news is by your side.

Advertisement

پائلٹس کے بعد پی آئی اے کی ایئرہوسٹس میں بھی کورونا وائرس کی تصدیق

لاہور : پی آئی اے کے پائلٹس کے بعد ایک ایئرہوسٹس میں بھی کورونا وائرس کی تصدیق ہوگئی ، جس کے بعد متاثرہ ایئر ہوسٹس کو ایکسپو سینٹر لاہور قرنطینہ منتقل کردیا گیا ہے۔

تفصیلات کے مطابق محکمہ صحت پنجاب نے 34سالہ پی آئی اے کی ایئرہوسٹس میں کورونا وائرس کی تصدیق کرتے ہوئے کہا کہ کورونا سے متاثرہ ایئرہوسٹس کو ایکسپو سینٹر لاہور قرنطینہ منتقل کردیا گیا ہے۔

محکمہ صحت پنجاب کا کہنا ہے کہ پی آئی اے کی ایئرہوسٹس ٹورنٹو کی پرواز سے لاہور پہنچی تھی۔

یاد رہے اس سے قبل قومی ائیرلائن ( پی آئی اے ) کے دو پائلٹ میں کورونا وائرس کی تصدیق ہوئی تھی ،دونوں پائلٹ گزشتہ روز ٹورنٹو سے لاہور آئے تھے، متاثرہ پائلٹس کو اسپتال کےآئیسولیشن وارڈ میں منتقل کردیاگیا تھا۔

محکمہ صحت پنجاب کا کہنا تھا کہ پی آئی اےکےدونوں پائلٹس کواسپتال کےآئسولیشن وارڈمنتقل کردیا گیا ہے جبکہ پائلٹ سمیت پانچ افراد کئی روزسےٹورنٹومیں پھنسے ہوئے تھے۔

دوسری جانب ترجمان قومی ایئرلائن کے مطابق لندن سے آنے والے چاروں پائلٹس اور کریو کا کورونا ٹیسٹ منفی آیا تھا ، جس پر سیکریٹری صحت سندھ نے پائلٹس اور کریو کو جانے کی اجازت دے دی تھی ، لندن سے واپسی پرچاروں پائلٹ اورعملے کو قرنطینہ منتقل کیا گیا تھا۔

Comments

یہ بھی پڑھیں