The news is by your side.

Advertisement

پی آئی اے کےطیارے کی لاہورایئرپورٹ پرٹیکنیکل لینڈ نگ

لاہور: پی آئی اے کے طیارے کے کارگو والےحصے میں دھواں اٹھنے پرطیارے کی لاہور ایئرپورٹ پر ٹیکنیکل لینڈنگ کی گئی، طیارہ سیالکوٹ سے ریاض جارہا تھا۔

تفصیلات کے مطابق پی آئی اے کی پرواز پی کے 755 صبح چھ بجکر پانچ منٹ پر سیالکوٹ سے روانہ ہوئی تو کپتان نے کنٹرول ٹاور کو اطلاع دی کہ جہاز کے کارگو والے حصے میں دھواں بھرنے کی نشاندہی ہوئی ہے۔

جہاز کو فوری طور پرلاہور ائیرپورٹ پر اتار لیا گیا جب جہاز کی چیکنگ کی گئی تو کنٹرول پینل میں خرابی سامنے آئی، جہازمیں تین سو سے زائد مسافر سوار تھے۔

پی آئی اے ترجمان نے لاہور ایئر پورٹ پر طیارے میں آگ لگنےکی خبرکی تردید کرتے ہوئے کہا کہ سیالکوٹ سے ریاض جانے والے طیارے میں دھوئیں کی وارننگ موصول ہوئی۔

ترجمان پی آئی اے کا کہنا ہے کہ حفاظتی امور کو مدنظر رکھتے ہوئے پائلٹ نے طیارہ لاہورایئر پورٹ پر اتار لیا۔


پی آئی اے 400 ارب کےمالی خسارے سےٹائٹینک بن چکاہے‘ سردار مہتاب


واضح رہے کہ گزشتہ روز وزیراعظم کے مشیرہوا بازی سردارمہتاب نے اسلام آباد ایئرپورٹ پرمیڈیا سے گفتگو کرتے ہوئے کہا تھا کہ پی آئی اے 400 ارب کے مالی خسارے سےٹائٹینک بن چکا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں