The news is by your side.

Advertisement

پی آئی اے، کرایوں میں بیس فی صد کمی کا اعلان

کراچی: قومی ایئرلائن پی آئی اے نے لندن ,نیو یارک اور کینیڈا جانے والی پروازوں میں بیس فیصد کرایوں میں کمی کا اعلان کردیا ہے۔

تفصیلات کے مطابق پاکستان کی قومی ایئرلائن پی آئی اے کی انتظامیہ نے لندن، نیویارک اور کینیڈا کی پروازوں کے لیے کرایے میں بیس فی صد کمی کا اعلان کردیا ہے جس کا اطلاق یکم نومبرسے تیس نومبر تک ہوگا۔

کرایوں میں کمی کے ساتھ ساتھ مسافروں کو بہترین سفری سہولیات بھی فراہم کرنے کے لیے موثر اقدامات اُٹھائے گئے ہیں۔

پی آئی اے کے ڈائریکٹرمارکیٹنگ خرم مشتاق نے اے آر وائی نیوز کو بتایا ہے کہ پاک چین اقتصادی راہداری کے حوالے سے ہفتہ وار پروازوں میں اضافہ کردیا گیا ہے اس سلسلے میں بیجنگ کے لیے ہفتے میں چار پروازیں آپریٹ کی جائیں گی۔ جس سے قومی ائیر لائن کو ریونیو میں اضافے کے ساتھ ساتھ اقتصادی راہداری کے حوالے سے آنے والے چینی ماہرین بھی استفادہ حاصل کر سکیں گے،

انہوں  نے بتایا کہ پی آئی اے نے  ملک بھر سے جدہ کے لیے مزید سات پروازوں کا اضافہ کردیا ہے، جدہ کے لیے کراچی اسلام آباد اور لاہور سے اٹھائیس پروازیں آپریٹ کی جائیں گی۔

دوسری جانب قومی ایئرلائن نومبر سے بارسلونا کے لیے ہفتہ وار دو پروازوں کا آغاز کر رہی ہے، ساتھ ہی پیرس کے لیے بھی مزید دو پروازوں کا اضافہ کردیا گیا ہے۔

پی آئی اے کی جانب سے کرایوں میں کمی اور یورپ کی جانب پروازوں میں اضافے سے پی آئی اے کے ریونیو میں اضافے کے امکانات روشن نظرآتے ہیں۔

 

 

Comments

comments

یہ بھی پڑھیں