کراچی : پی آئی اے نے 14 نومبر سے ترکیہ کیلئے پروازوں کا اعلان کردیا، ہفتہ وار 6پروازیں استنبول کیلئے آپریٹ کی جائیں گی۔
تفصیلات کے مطابق ترکیہ جانیوالے مسافروں کیلئے اچھی خبر آگئی ، پی آئی اے نے 14نومبر سے ترکیہ کیلئے پروازوں کا اعلان کردیا۔
ترجمان نے بتایا کہ ہفتہ وار 6پروازیں استنبول کیلئے آپریٹ کی جائیں گی ، 4پروازیں اسلام آباد سے 2پروازیں لاہور سے آپریٹ ہوں گی، استنبول کیلئے پی آئی اے جدید طیارے ایئر بس 320استعمال کرے گا۔
ترکیہ کا فلائٹ آپریشن یورپ اور برطانیہ کے فلائٹ آپریشن پابندی کے باعث زیادہ تر مسافروں کو استنبول لایا جائے گا اور ترکش ائیر سیکوڈشئیرنگ کے ذریعے برطانیہ اور یورپ پہنچایا جائے گا۔
استنبول ائیرپورٹ پر پاکستانی مسافروں کے لئے خصوصی کاونٹرز بھی بنائیں جائیں گے تاکہ یورپ، برطانیہ جانے والے مسافروں کو سہولت مہیا کی جائے گی۔
ترکیہ کا فلائٹ آپریشن شروع کرنے سے مسافروں کو سہولت اورکاروبار کے حوالے سے بھی پی آئی اے کو زرمبادلہ حاصل ہوگا۔
