The news is by your side.

Advertisement

پی آئی اے میں جونیئر افسران اہم عہدوں پر تعینات

کراچی: پی آئی اے کی نئی انتظامیہ نے جونیئر افسران کو اہم عہدوں پرتعینات کرنا شروع کردیا‘ ذرائع کے مطابق پے گروپ 8 کے افسران کو پے گروپ 10 میں قائم مقام جنرل منیجرتعینات کر دیا ۔

تفصیلات کے مطابق قومی ایئر لائن میں اعلیٰ پیمانے پر اکھاڑ پچھاڑ کی گئی ہے اور مارکیٹنگ،کسٹمر سروسز اور کارگو شعبے کے افسران کو شعبہ ایچ آر میں تعینات کیا گیا ہے۔

قائم مقام جی ایم بھی تعینات کدیے گئے ہیں جبکہ نچلے گریڈ کے افسران میں احمد فراز،فرحان سمیع اللہ شامل ہیں۔

مذکورہ افسران کا تعلق بالترتیب شعبہ مارکیٹنگ اور ریونیو ڈیپارٹمنٹ سے ہے۔ایچ آر تبادلہ کئے جانے والوں میں آرگنائزیشنل ڈویلپمنٹ سے تعلق رکھنے والے اظہر حسین بھی شامل ہیں۔شعبہ کارگو کے طارق حسین خان بھی شعبہ ایچ آر میں تعینات کردیے گئے۔

ذرائع کے مطابق مخصوص افسران کی ہیومن ریسورس جیسے اہم شعبے میں تعیناتی کا مقصد مبینہ طور پر اپنی مرضی کے احکامات جاری اور ان پر عمل درآمد کرانا ہے۔

موجودہ انتظامیہ کے ساتھ پی آئی اے کی بحالی ممکن نہیں

کچھ عرصہ قومی اسمبلی کی قائمہ کمیٹی کا اجلاس پی آئی اے ہیڈ آفس میں چیئرمین رانا حیات کی سربراہی میں منعقد ہوا تھا‘ جس میں قومی ائیر لائن کی کارکردگی پر سخت برہمی کا اظہار کیا گیا تھا۔

یہ بھی کہا گیا تھاکہ پی آئی اے کے افسران نے ایئر لائن کا بیڑہ غرق کر دیا گیا ہے ،ایک ہی عہدے پر تین سال سے موجود نا اہل لوگوں کو تبدیل کیا جائے‘ یہ لوگ ہمارے گلے کا طوق بن چکے ہیں جس کو اتارا جائے گا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں