site
stats
پاکستان

طیارے کے دائیں پنکھے میں‌ دھماکا ہوا، ایک اور گواہ سامنے آگیا

کراچی: حادثے کے شکار طیارے کی تباہی سے قبل اس میں کچھ دیر پہلے سفر کرنے والے مزید افراد سامنے آئے ہیں جنہوں نے گواہی دی ہے کہ طیارہ پہلے سے ہی خراب تھا، پشاور سے چترال آتے ہوئے طیارہ کے دائیں پنکھے میں دھماکا بھی ہوا تھا۔


حویلیاں میں گر کر تباہ ہونے والا بدقسمت اے ٹی آر طیارہ تباہ ہونے سے قبل پشاور سے پرواز کرکے چترال پہنچا تھا، پہلے ایک مسافر ریاض نے گواہی دی تھی کہ طیارہ خراب تھا اب ایک اور گواہ رمیز سامنے  آگیا۔

پشاور سے چترال پہنچنے والے مسافروں کا کہنا تھا کہ لینڈنگ سے قبل طیارے کے دائیں پنکھے میں دھماکاہوا تھا۔


اسی سے متعلق: تباہی سے کچھ دیر قبل طیارے سے اترنے والے مسافر کے انکشافات


عینی شاہد ریاض نے دھماکے کی تصدیق کی تھی اور اب ایک اور مسافر رمیز راجہ نے بتایا کہ طیارہ لینڈنگ سے قبل ہی خراب ہوگیا تھا اور جہاز کو جھٹکے لگ رہے تھے۔

مسافروں کا کہنا تھا کہ چترال ائیرپورٹ پر لینڈنگ سے قبل طیارے کی رفتار بہت دھیمی تھی اس سے قبل ایسا نہیں ہوا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top