The news is by your side.

Advertisement

نئے پاکستان کا ایک سال مکمل : شعبہ ہوابازی اور پی آئی اے ترقی کی جانب گامزن

کراچی : وزیراعظم عمران خان کے وژن کے تحت قومی ائیرلائن کی اڑان اور سی اے اے بھی ترقی کی جانب گامزن ہے، نئی حکومت کا پہلا سال مکمل ہونے پر کامیاب پالیسی کے ثمرات نظر آنا شروع ہوگئے۔

تفصیلات کے مطابق نئے پاکستان کو ایک سال مکمل ہوگیا، وزیر اعظم عمران خان کی کامیاب پالیسی اور بہترین اقدامات کے ثمرات نظر آنا شروع ہوگئے۔

اس حوالے سے ذرائع کا کہنا ہے کہ شعبہ ہوابازی اور پی آئی اے ترقی کی جانب گامزن ہیں، وزیراعظم کے سیاحت کے وژن کو فروغ دینے کیلئے سی اے اے نے اہم کردار ادا کیا۔

ادارے کی جانب سے بے روزگاری کے خاتمے کیلئے3200 اسامیاں متعارف کرائی گئیں، سی اے اے ذرائع کا کہنا ہے کہ گودار میں ایک سال کے دوران نئے ایئرپورٹ کا سنگ بنیاد رکھا گیا۔

وزیراعظم عمران خان کی کامیاب خارجہ پالیسی کی وجہ سے برٹش ایئر ویز کی دوبارہ واپسی اسی سال ہوئی، ملک کے مختلف ائیرپورٹس کو جدید طرز پر بنانے اور انہیں جدید آلات سے آراستہ کرنے کا سلسلہ جاری ہے۔

اس کے علاوہ مختلف ائیرپورٹس کے مزید رن ویز کی بھی تعمیرات کا کام جاری ہے۔ اس کے علاوہ ایک سال کے دوران لاہور، اسلام آباد، برطانیہ اور یورپ کیلئے پروازوں کے اضافے سے پی آئی اے کے ریوینیو میں بھی اضافہ ہوا۔

پی آئی اے کو خسارے سے نکالنے اور منافع بخش بنانے کیلئے بزنس پلان پر عملدرآمد جاری ہے، ذرائع کے مطابق پی آئی کے گزشتہ چھ ماہ کے دوران ادارے کو30 فیصد ریوینیو میں بھی اضافہ ہوا۔

ایئرپورٹ سیکورٹی فورس (اے ایس ایف ) نے مختلف ائیرپورٹس پر احسن طریقے سے اپنے فرائض سر انجام دیئے، اے ایس ایف نے ملک کے مختلف ائیرپورٹس پر اپنے فرائض نبھاتے ہوئے اربوں روپے کی منی لانڈرنگ، سونا اور منشیات کی اسمگلنگ کی کوشش کو ناکام بنایا۔

اے ایس ایف کے عملے نے ائیرپورٹس پر مختلف اقسام کے اسلحے کی اسمگلنگ کو ناکام بنا کر بھاری تعداد میں اسلحہ برآمد کرکے ملزمان کو گرفتار کیا۔

Comments

comments

یہ بھی پڑھیں