The news is by your side.

Advertisement

پی آئی اے نے کپتانوں اور فضائی میزبانوں کو اپنا سامان خود اٹھانے کی ہدایت کردی

کراچی : پی آئی اے انتظامیہ نے ملک کے تمام ایئرپورٹس  پر کپتانوں سمیت فضائی میزبانوں کا سامان اٹھانے پر پابندی عائد کردی، وھیل چئیر لوڈرز صرف مسافروں کو سروس فراہم کریں گے۔

تفصیلات کے مطابق پی آئی اے کے کپتان اور فضائی میزبان اب اپنا سامان خود اٹھا کر جہاز تک جائیں گے، پی آئی اے انتظامیہ نے احکامات جاری کردئیے۔

اس سے قبل اندرون ملک اور بیرون ملک جانے والی پروازوں کے کپتانوں اور فضائی میزبانوں کو ان کا سامان اٹھانے کیلئے چار سے پانچ لوڈرز فراہم کئے جاتے تھے، لوڈر سروس بند ہونے کی وجہ سے کپتانوں کو مشکلات کا سامنا کرنا پڑرہا ہے۔

Posted by Mohd Salahuddin on Monday, January 7, 2019

حکم نامہ جاری ہونے کے بعد اب تمام وھیل چئیر لوڈرز صرف مسافروں کو سروس فراہم کریں گے اس حوالے سے ذرائع کا کہنا ہے کہ کپتانوں اور فضائی میزبانوں کی لوڈر سروس بند ہونے سے اندرون و بیرون ملک جانے والی پروازیں متاثر ہونے کا خدشہ ہے۔

جہاز کا کپتان اگر اپنا سامان خود اٹھائے گا تو سیکیورٹی چیک میں بھی خاصا ٹائم درکار ہوگا، جس کے باعث کپتان کو جہاز میں پہنچنے میں تاخیر ہوگی جس سے پروازیں اپنے وقت پر روانہ نہیں ہوسکیں گی۔

پی آئی انتظامیہ کی جانب سے لوڈر سروس بند کرنے سے کپتانوں میں تشویش کی لہر دوڑ گئی ہے، باقاعدہ حکم نامہ جنرل منیجر اے سے ایس کی جانب سے ای میل کے ذریعے جاری کیا گیا، جاری کردہ ای میل اے آر وائی نیوز کو موصول ہوگئی ہے۔ ۔

Comments

comments

یہ بھی پڑھیں