پی آئی اے : وفاقی کابینہ کی تشکیل کے بعد ایوی ایشن ڈویژن ختم کرنے پر غور -
The news is by your side.

Advertisement

پی آئی اے : وفاقی کابینہ کی تشکیل کے بعد ایوی ایشن ڈویژن ختم کرنے پر غور

کراچی : حکومتی اخراجات کم کرنے کی ایک اور کوشش کے تحت وفاقی کابینہ کی تشکیل کے بعد ایوی ایشن ڈویژن ختم کرنے پر غور کیا جارہا ہے, سیکریٹری ایوی ایشن کاعہدہ بھی ختم کردیاجائیگا۔

تفصیلات کے مطابق نواز شریف کے دور حکومت میں نوازنے کیلئے پی آئی اے میں ایوی ایشن ڈویژن قائم کیا گیا تھا جس کی وجہ سے پی آئی اے سول ایوی ایشن اتھارٹی کو ناقص حکمت عملی کے باعث اربوں روپے نقصان کا سامنا رہا۔

پی آئی اے میں سفارشی بنیادوں پر ناتجربہ کار افسران کو بھاری تنخواہوں اور مرعات پر بھرتی کیا گیا، موجودہ حکومت وزارتی اخراجات کم کرنے کی ایک اور کوشش کرتے ہوئے وفاقی کابینہ کی تشکیل کے بعد ایوی ایشن ڈویژن ختم کرنے پرغورکر رہی ہے۔

اس اقدام کے بعد پی آئی اے، سی اے اے اور اے ایس ایف وزارت دفاع کو واپس کردیا جائے گا، اس حوالے سے ذرائع کا کہنا ہے کہ محکمہ موسمیات میں بھی سفارشی بنیادوں پر بھرتی کئے گئے افسران بھی فارغ ہوں گے۔

ذرائع کے مطابق سیکریٹری ایوی ایشن کاعہدہ بھی ختم کردیاجائیگا، اس کے علاوہ ڈی جی سی اے اے، پی آئی اے کے اعلیٰ افسران تبدیل کیے جانے کا بھی امکان ہے، واضح رہے کہ نواز شریف دور حکومت سے قبل مذکورہ ادارے وزارت دفاع کے ماتحت کام کر رہے تھے۔

Comments

comments

یہ بھی پڑھیں