کراچی : پی آئی اے نے اسپین میں تعینات ائر لائن کے کنٹری منیجر کو مبینہ طور پر کوئی الزام عائد کئے بغیر معطل کردیا، سلیم اللہ شاہانی کو پی آئی اے ہیڈ آفس رپورٹ کرنے کا حکم دے دیا گیا۔
تفصیلات کے مطابق پی آئی اے اے انتظامیہ نے انوکھے احکامات کے تحت ائر لائن کے اسپین میں تعینات کنٹری منیجر سلیم اللہ شاہانی کو مبینہ طور پر کوئی الزام عائد کئے بغیر معطل کردیا۔
پی آئی اے انتظامیہ کی جانب سے جاری کردہ احکامات میں سلیم اللہ شاہانی کو فوری طور پر پی آئی اے ہیڈ آفس رپورٹ کرنے کا حکم دیا گیا ہے۔
اس حوالے سے ذرائع کا کہنا ہے کہ کسی بھی ملازم کی معطلی کے احکامات میں اس پر الزام کا ذکر کرنا ضروری ہے، انکوائری کے بغیر مبینہ طور سے اہلکار کو معطل نہیں کیا جا سکتا۔
مزید پڑھیں: پی آئی اے کی بہتری کیلئے ناتجربہ کارافسران کونیا ٹاسک مل گیا
ذرائع کا مزید کہنا ہے کہ معطل کیے جانے افسر کو وطن واپسی کے لئے مناسب وقت بھی نہیں دیا گیا۔
مزید پڑھیں: پی آئی اے انویسٹمنٹ بورڈ کا اجلاس، وزیرکی غیرقانونی شرکت
معطلی کے مذکورہ احکامات پر ترجمان پی آئی اے نے کہا ہے کہ کنٹری مینیجر کی معطلی قوانین کے تحت عمل میں لائی گئی ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں