site
stats
بزنس

پی آئی اے کانیویارک اسٹیشن بند کرنے کا فیصلہ

PIA New York Station

کراچی: قومی ایئر لائن نے ایک اور بے مثال کارنامہ انجام دیتے ہوئے نیویارک کے اہم ترین اسٹیشن کو بند کرنے کا فیصلہ کرلیا ہے‘ بوئنگ 777 نامی طیارے کو بھی فروخت کرنے پر غور کیا جارہا ہے۔

تفصیلات کے مطابق پی آئی اے کی نئی انتظامیہ نے فیصلہ کیا ہے کہ 15 دسمبر 2017 کو نیو یارک اسٹیشن کا فضائی آپریشن بند کردیا جائے گا‘ جس کے سبب قومی ایئرلائن کا نیویارک سے رابطہ مکمل طور پر منقطع ہوجائے گا۔

ذرائع کا کہنا ہے کہ پی آئی اے کے سی ای او مشرف رسول سیاں نے فیصلے کی منظوری دے دی ہے اور اسی فیصلے کے سبب نیو یارک کے لیے بکنگ بھی بند کردی ہے۔

بتایا جارہے کہ پی آئی اے نے نیو یارک میں مقیم اپنے فضائی میزبانوں کو کینیڈا کے راستے پاکستان پہنچنے کی ہدایت جاری کی ہے۔

یاد رہے کہ پی آئی اے نے دس سال قبل بوئنگ777طیارے لانگ رینج اسٹیشن یعنی کہ امریکا اور کینیڈا تک آپریٹ کرنے کے لیے خریدے تھے‘ نیویارک روٹ بند ہونے سے لانگ رینج 777طیارے کی فروخت کے بارے میں بھی غور کیا جارہا ہے۔

خیال رہے کہ نیو یارک اور اس سے ملحقہ علاقوں میں پاکستانی کمیونٹی کثیر تعداد میں آباد ہے اور یہ اسٹیشن بند ہونے سے پاکستانیوں کی بڑی تعداد پاکستان کے لیے براہ راست پرواز کی سہولت سے محروم ہوجائے گی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top