The news is by your side.

Advertisement

پی آئی اے کا 8 نئے طیارے حاصل کرنے کا فیصلہ

قومی ائیرلائن کے چھ جہازوں کی لیز ختم ہونے پر پی آئی اے نے متبادل انتظات شروع کر دیے۔ لیز پر حاصل کئے گئے چھ ائیر بس 320 طیاروں کی واپسی 2021سے شروع ہو جائے گی۔

قومی ائیر لائن نے بیڑے میں 8 نئے طیارے شامل کرنے کا فیصلہ کیا ہے۔ سی ای او پی آئی اے نے نیرو باڈی کے8 نئے جہاز ڈرائی لیز پر لینے کی اجازت دی ہے۔ یہ طیارے 6 سالہ ڈرائی لیز پر لیے جائیں گے۔

پی آئی اے نے ملکی اور بین الاقوامی سطح پر پیشکشیں طلب کرتے ہوئے ٹینڈر کے لئے اشتہار جاری کر دیا ہے۔ تمام 8 جہاز جنوری سے دسمبر 2021 کے دوران پی آئی اے کے بیڑے میں شامل ہوں گے۔پی آئی اے ائیربس 320 اور بوئنگ 737 طیارے حاصل کرے گی۔

لیز پر حاصل کیے گئے چھ ائیر بس 320 طیاروں کی واپسی مارچ 2021سے شروع ہو جائے گی اور آخری طیارہ اگست 2021 میں واپس کیا جائے گا۔ پی آئی اے نے چھ ائیر بس 320 طیارے لیز پر حا صل کئے تھے۔

ترجمان پی آئی اے کا کہنا ہے کہ پی آئی اے کے بیڑے میں جدید طیاروں کی شمولیت سے بہتری کی جانب گامزن ہے نئے طیارے پی آئی اے کے بیڑے میں شامل کچھ پرانے طیاروں کی جگہ لیں گے جو پی آئی اے میں انتہائی ضروری ہے۔

ترجمان عبداللہ خان کا کہنا ہے کہ جدید طیاروں سے پرانے طیاروں کی تبدیلی پی آئی اے کے بزنس پلان کا حصہ ہے کوویڈ بحران کی وجہ سے نئے جہازوں کی آمد میں تاخیر ہوئی تاہم 2021 ایک بہتر سال ہوگا۔

Comments

یہ بھی پڑھیں