سول ایوی ایشن‘ پی ایس او کا واجبات کی ادائیگی کے لیے پی آئی اے کو نوٹس -
The news is by your side.

Advertisement

سول ایوی ایشن‘ پی ایس او کا واجبات کی ادائیگی کے لیے پی آئی اے کو نوٹس

کراچی : قومی ایئرلائن شدت اختیار کرتے مالی بحران کے سبب ایندھن سپلائی کرنے والی کمپنیوں اورسول ایوی ایشن اتھارٹی کے اربوں روپے کے واجبات ادا نہیں کیے۔

تفصیلات کے مطابق پی آئی اے نے 15ارب روپے سے زائد کے واجبات پی ایس او کو ادا کرنے ہیں جبکہ سول ایوی ایشن اتھارٹی کے33ارب روپے سے زائد کے واجبات ادا کرنے ہیں۔

ذرائع کا کہنا ہے کہ سول ایوی ایشن اتھارٹی کو پی آئی اے نے پارکنگ،لینڈنگ اور دیگر مد میں واجبات ادا کرنے ہیں او رسول ایوی ایشن اتھارٹی نے پی آئی اے کو واجبات کی عدم ادائیگی پر نوٹس جاری کردیا ہے۔

دوسری جانب پی آئی اے نے ایندھن کی فراہمی کی مد میں پی ایس او کے واجبات بھی ادا کرنے ہیں جن کے لیے کمپنی کی جانب سے واجبات کی ادائیگی کے لیے نوٹس جاری کیا گیا ہے۔

اربوں روپے کے واجبات ، سول ایوی ایشن کا پی آئی اے کو نوٹس

پی ایس او ذرائع کا کہنا ہے کہ مسافروں کا سفری ضروریات کا خیال رکھتے ہوئے پی آئی اے کو ایندھن کی ترسیل بند نہیں کی ہے۔پی آئی اے سمیت دیگر اداروں نے پی ایس او کو 300ارب روپے کے واجبات ادا کرنے ہیں۔

دوسری جانب قومی ایئر لائن کے ترجمان کا کہنا ہے کہ پی ایس او اور سول ایوی ایشن کی جانب سے واجبات کی ادائیگی کے لیے کسی بھی قسم کے کوئی نوٹس موصول نہیں ہوئے۔

یاد رہے کہ رواں سال مارچ میں بھی سول ایوی ایشن اتھارٹی نے واجبات کی عدم ادائیگی پر پی آئی اے کو نوٹس جاری کیا تھا، جس کے مطابق پی آئی اے پر سی اے اے کے 32ارب روپے سے زائد کے واجبات تھے۔

 

Comments

comments

یہ بھی پڑھیں