کراچی ایئرپورٹ پر سامان چوری میں ملوث پی آئی اے ملازم کو حراست میں لے لیا گیا۔
اے آر وائی نیوز کے مطابق خاتون مسافر پی آئی اے کی پرواز 305 سے لاہور سے کراچی پہنچی اور ایئرپورٹ انتظامیہ کو اپنا سامان غائب ہونے کی شکایت کی۔
ذرائع کا کہنا ہے کہ حراست میں لیے جانے کے دوران پی آئی اے ملازم نے مزاحمت بھی کی، ملازم کا ایئرپورٹ انٹری پاس ضبط کرلیا گیا۔
ایئرپورٹ انتظامیہ کی مدد سے خاتون کا سامان سے بھرا بیگ مل گیا، پی آئی اے نے ملازم کو اے ایس ایف کے حوالے کردیا ہے۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں