The news is by your side.

Advertisement

پی آئی اے ملازمین کا احتجاج، کراچی میں دھرنا اور ریلی

کراچی: پی آئی اے کی ممکنہ نجکاری کے خلاف چوتھے روز بھی احتجاج جاری ہے ، کراچی میں ملازمیں نے احتجاجی ریلی نکالی اور دھرنا دیا۔

کراچی میں پی آئی اے کے ملازمین آج بھی سراپا احتجاج ہیں۔ ملازمین کا کہنا ہے کہ کسی طور بھی ادارے کی نجکاری نہیں ہونے دی جائے گی۔ملازمین نےا ئیر پورٹ کے داخلی راستے پر سگنل پر علامتی دھر نا دیا اور احتجاجی ریلی نکالی۔

جوائنٹ ایکشن کمیٹی کا کہنا تھا کہا وزیر نجکاری زبیر عمر کو کسی ایئر پورٹ سے جہاز میں نہیں بیٹھنے دیا جائے گا، احتجاجی ملازمین نے اسحا ق ڈار کا پتلہ ہاتھوں میں لے کر احتجاج کی، خواتین ملازمین کی بڑی تعداد ریلی میں شامل تھی ۔

ملازمین کے احتجاج سے چھ غیرملکی ایئرلائنزتاخیرکاشکار ہوگئیں اورراستے بند ہونے کے باعث مسافرایئر پورٹ نہیں پہنچ سکے، جوائینٹ ایکشن کمیٹی نے آج کا علامتی دھرنا ختم کرتے ہوئے کہا کہ مطالبات نہ مانے گئے تو دو فروری کو فلائٹ آپریشن بند کر دیئے جائیں گے۔

Comments

comments

یہ بھی پڑھیں