پی آئی اے کے انجینئرزکا کارنامہ، طیاروں کی اوورہالنگ خود کرینگے -
The news is by your side.

Advertisement

پی آئی اے کے انجینئرزکا کارنامہ، طیاروں کی اوورہالنگ خود کرینگے

کراچی : قومی ایئرلائن نےبچت مہم اورخود انحصاری کا کامیاب منصوبہ بنالیا، پی آئی اے اپنے طیاروں کے انجن کی بیرون ملک اوورہالنگ کی بجائے اب خود کرے گی ، جس سے ادارے کو کروڑوں ڈالر کا فائدہ حاصل ہوگا۔

تفصیلات کے مطابق پی آئی اے انتظامیہ نے فیصلہ کیا ہے کہ ایئربس 320 طیاروں کی انجنوں کی اوورہالنگ اب پی آئی اے کے انجینئرز خود کریں گے، جس سے پی آئی اے کو بڑے پیمانے پر فوائد حاصل ہوں گے۔

اس سے قبل ایک طیارے کی انجن کی اوورہالنگ پر بیرون ملک بھیجنے پر ساٹھ لاکھ ڈالر کے اخراجات آتے تھے اب یہ کام پی آئی اے کے انجنیئرزانجن اوورہالنگ شاپ میں خود انجام دیا کریں گے جس سے فی کس انجن پر ادارے کو 1.1 ملین ڈالر کافائدہ ہوگا۔

pia-post-02

اس طرح سے چار انجنوں کی اور ہالنگ کے بعد تمام اخراجات پورے ہوجائیں گے اور پانچویں انجن سے پی آئی اے کو مزید روینیو حاصل ہوگا۔۔

قائم مقام چیئرمین پی آئی اے اور سیکریٹری ایوی ایشن عرفان الہٰی نے اے آر وائی نیوز کو بتایا کہ ایئر بس اے تین سو بیس کے اوور ہالنگ سے پی آئی اے کو خاصہ روینیو حاصل ہوگا اور اس کے ساتھ ساتھ قومی خزانے کو بھی فائدہ ہوگا۔

post

پی آئی اے کے انجنیئروں کی کاوشوں کی وجہ سے ایئربس اے 320 کے لینڈنگ گیئر کے اوور ہالنگ کا کامیاب تجربہ ہوا اس کے بعد پانچ ملین ڈالر انجن کی اوور ہالنگ کیلئے رکھے گئے ہیں اس کے ساتھ ساتھ پی آئی اے اپنی ایئر لائن کے علاوہ غیرملکی ایئرلائن کے انجنوں کی اوور ہالنگ کرسکے گی۔

pia-post-01

دوسری جانب سوسائٹی آف انجنیئرنگ ایئرکرافٹ (سیپ) کے صدر ذاکر فاروق کا کہنا ہے کہ چیئرمین پی آئی اے کی کاوشوں کی وجہ سے انجنیئرز ایئر بس 320 کے کامیاب تجربے کے بعد اب ایئربس 320 کے انجن کی اوور ہالنگ کریں گے جو پی آئی اے کیلئے اعزازہوگا۔

Comments

comments

یہ بھی پڑھیں