site
stats
بزنس

پی آئی اے کا دنیا بھر سے رابطہ منقطع

کراچی: قومی ایئر لائن کے آئی ٹی ڈیپارٹمنٹ کی غفلت و لاپرواہی کے سبب پی آئی اے کا دنیا بھر سے رابطہ منقطع ہوگیا۔

ذرائع کے مطابق پی آئی اے کا ای آر پی (انٹر پرائز ریسورسز پلاننگ) سسٹم بیٹھ گیا۔ سسٹم میں فنی خرابی کے باعث پی آئی اے کے دفتری امور ٹھپ ہوگئے۔

ای آر پی سسٹم کے ساتھ ساتھ سیبر سسٹم نے بھی کام کرنا چھوڑ دیا۔ ذرائع کا کہنا ہے کہ سیبر سسٹم بیٹھنے کی وجہ سے دوسری مرتبہ پی آئی اے کی دنیا بھر میں ٹکٹوں کی فروخت رک گئی۔

ای آر پی سسٹم میں 2 گھنٹے گزرنے کے باوجود بھی فنی خرابی دور نہیں کی جاسکی۔ پی آئی اے کے چیئرمین، سی ای او، چیف کمرشل آفیسر سمیت دیگر افسران ادارے کے امور چلانے میں بری طرح ناکام ہیں۔

یاد رہے کہ گزشتہ روز بھی پی آئی اے کا سیبر سسٹم تکنیکی خرابی کا شکار ہوگیا تھا جس سے ایئرلائن کی دنیا بھر میں آن لائن بکنگ معطل ہوگئی تھی۔ کل سیبر سسٹم کو کئی گھنٹوں کی کوششوں کے بعد بحال کیا جاسکا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top