The news is by your side.

Advertisement

پی آئی اے سے سفر کرنے والوں کیلئے بڑی خبر

کراچی : قومی ایئرلائن پی آئی اے نے رواں ماہ روٹس کے ساتھ پروازوں میں بھی اضافہ کردیا، ملک بھر سے جدہ کیلئے 42پروازیں آ پریٹ ہوں گی جبکہ 14 اکتوبر سے اسلام آباد سے کوالالمپور کی پروازیں شروع کی جائیں گی۔

تفصیلات کے مطابق قومی ایئرلائن میں بزنس پلان پر عمل درآمد شروع کردیا ، پی آئی اے نے رواں ماہ روٹس کے ساتھ پروازوں میں بھی اضافہ کردیا ہے تیرہ نئے روٹس پر پروازیں آپریٹ کی جائیں گی، جس سے ریونیو میں اضافہ ہوگا۔

ذرائع کا کہنا ہے کہ پی آئی اے جدہ کیلئے 42پروازیں آ پریٹ کرے گی اور 28 اکتوبر سے کوئٹہ جدہ کیلئے ہفتہ وار 2 پروازوں کا آغاز کرے گی جبکہ ملتان سے ریاض ملتان کیلئے ہفتہ وار دو پروازیں آپریٹ کرے گی۔

ذرائع کے مطابق پی آئی اے ملتان دبئی کیلئے ہفتے میں ہفتہ وار دو اور کویت سیالکوٹ کیلئے بھی ہفتہ وار2پروازیں آپریٹ کرے گی جبکہ 14 اکتوبر سے اسلام آباد سے کوالالمپور پروازیں شروع کی جائیں گی۔

پی آئی اے پشاور سے دمام کیلئے بھی ایک پرواز کا اضافہ کر دیا گیا جبکہ اسلام آباد سے برمنگھم ہفتے میں 4 پروازیں آپریٹ کی جائیں گی اور کراچی سے ٹورنٹو کیلئے بھی 2 اضافی پروازیں آپریٹ کرے گی۔

مزید پڑھیں : پی آئی اے کے فلیٹ میں مزید7طیارے شامل کرنے کا فیصلہ

پاکستان سے کینیڈا کیلئے ہفتے میں 5 پروازیں آپریٹ کی جائیں گی جبکہ جدہ کیلئے مزید 7 پروازوں کا اضافہ کردیا ، جس کے بعد ملک بھر سے جدہ کیلئے ہفتے میں42 پروازیں آپریٹ ہوں گی۔

یاد رہے 13 ستمبر کو قومی ائیر لائن پی آئی اے کے فلیٹ میں مزید 7طیارے شامل کرنے اور مزید نئے روٹس میں اضافے کافیصلہ کیا تھا ، دو ایئر بس 320 طیارے ڈرائی لیز پر آئندہ ماہ بیڑے میں شامل ہوں گے جبکہ مزید5طیارے آئندہ سال پی آئی اےبیڑےمیں شامل ہوجائیں گے، پی آئی اے کے بیڑے میں مزید طیارے شامل ہونے سے تعداد 37 ہو جائے گی۔

خیال رہے ہے وزیراعظم پاکستان عمران خان نے پی آئی اے کی کارکردگی کو سراہتے ہوئے نئے طیاروں کے حصول کی اجازت دی تھی، سال2023تک مجموعی طور پر12 نئے طیارے فضائی بیڑے میں شامل کیے جائیں گے۔

اجلاس سے خطاب کرتے ہوئے وزیر اعظم عمران خان کا کہنا تھا کہ پاکستان انٹرنیشنل ائیر لائن نہ صرف قومی ادارہ بلکہ ملک کی پہچان ہے۔ ماضی کی منافع بخش ائیر لائن اور ہوابازی کے شعبے میں خطے کا سرکردہ ادارہ بد انتظامی اور غفلت کی وجہ سے مشکلات کا شکار ہوا۔

Comments

comments

یہ بھی پڑھیں