The news is by your side.

Advertisement

پی آئی اے کے مالی بحران میں شدت، ملازمین تنخواہوں سے محروم

کراچی : قومی ایئر لائن کا مالی بحران شدت اختیار کرگیا ہے، ملازمین کو نومبر کی تنخواہیں تاحال ادا نہیں کی گئیں۔

تفصیلات کے مطابق اربوں روپے خسارے میں چلنے والے قومی ادارے پی آئی اے کا مالی بحران ایک بار پھر مزید شدت اختیار کرگیا ہے، شدید مالی بحران کے باعث ملازمین کی  تنخواہیں ایک بار پھر متاثر ہونے کا خدشہ ہے۔

گزشتہ ماہ کی تنخواہوں کی عدم ادائیگی کے باعث ملازمین میں بے چینی پائی جاتی ہے، اس کے علاوہ ڈیلی ویجر ملازمین بھی تنخواہوں سے تاحال محروم ہیں۔

اس حوالے سے ذرائع نے دعویٰ کیا ہے کہ پی آئی اے حکام نے بلوچستان میں اسٹاف کینٹینز بھی بند کردیئے ہیں، ذرائع نے اے آروائی نیوز کو بتایا ہے کہ پی آئی اے حکام اسٹاف کینٹینز کو مالی لحاظ سے نقصان کا باعث سمجھ رہے ہیں جس کے تحت بلوچستان میں تمام کینٹینز بند کردی گئی ہیں۔


مزید پڑھیں : پی آئی اے کا گمشدہ طیارہ، کارروائی کے لیے وزیر اعظم کو خط


ذرائع کا کہنا ہے کہ ملازمین نے تنخواہوں کی عدم ادائیگی کے خلاف احتجاج کے لئے باہمی رابطے شروع کردیئے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں